ارائكم حول الالعاب ارجو من الجميع المشاركه

[سعودي تكانه]

سلام عليكم ورحمة الله وبركاته

فيه العاب حلوه وفي نفس الوقت فيه العاب بايخه

اللي يهم في الموضوع ذا كله تقيم الالعاب حسب اللعبه اللي لعبتها وتعطينا رائيك فيها

تعرفون حجم الالعاب عند التنزيل ياصل فوق 500 ميقا طبعا مو كل الالعاب بس اغلبها

وقهر انك تنزل لعبها حجمها خيالي وهي ماتستاهل انا ارجح الاعضاء اللي قامو بلعب مجموعة العاب

يعطينا رائيه في اللعبه مو ننزل لعبه وفي النهايه تكون اللعبه ماتستاهل

من ناحية الالعاب اللي لعبتها راح اقيمها لكم كالتالي

crazy taxi : من اسمها بين انها لعبة سيارات لكن باسلوب حلو وجميل تقوم بتوصيل الاشخاص

في اقصر وقت ممكن وكل ماسويت حركات بهلوانيه زادت قيمة الاجره

اللعبه مناسبه لجميع الاعمار

تقيمي للعبه 10\10

serious sam2 : لعبة اسلحه ورشاشات في قمة الروعه خصوصا لاستعملت البندقيه

الرمي بالبندقيه لها نكهه خاصه سابقا كنت اكرهه هالنوعيه من الالعاب الا بعد مالعبت هاللعبه

اللعبه تعطيك شعور جميل كأنك فعلا داخلها جربها وماراح تندم

بالنسبه للعبه للي اعمارهم فوق 18 لانها تحتوي على مشاهد مرعبه وخصوصا

طلعات الوحوش اللي تجيك فجائه

تقيمي لها 9\10

comand and conqer red alert 2 &yuris revenge :

من اروع العاب الاستراتيجيه بكلتا اجزاءها ريد اليرت 2 او بيوري رفينج

قمة روعة اللعبه تكمن في تعدد الاعبين مثل الشبكه او عن طريق الانترنت

لكن مانصح بلعبها عن طريق الشبكه لان المنافسين يكونو فيها ضعاف

وصعب تلقا منافس قوي عكس لعبها عن طريق النت

يجونك مجانين هاللعبه ويبحثون عن منافس يحطم جنونهم

واللعبه مناسبه لجميع الاعمار

تقيمي للعبه 10\10

escape from monkey island 4 :

لعبة سوالف وتحريك مخ صحيح ان بعض الالغاز اللي فيها

صعب تطرا على المخ لكن حلو لعبها كتغير من روتين الالعاب

اللعبه عباره عن سوالف وما ان تنهيها تحرم تلعبها مره ثانيه

اللعبه مناسبها لجميع الاعمار

تقيمي لها 5\10

monpoly tycoon

لعبة المونوبولي الشهيره بقوانين جديده وافكار حلوه

اللعبه مسليه ابني محلات وحاول انك تكسب الزبائن باسعارك وعروضاتك

اللعبه مناسبه لجميع الاعمار

تقيمي لها 8\10

max payne 2 :

اشهر من نار على علم اللعبه هذي مايعيبها الا تحكمها

لعبة اكشن اضف الى ذلك قصة اللعبه الحلوه

اللعبه لمن فوق 16

تقيمي لها 9\10

_______________________________

اتمنى من باقي الاعضاء التفاعل معنا واعطاءنا ارائهم حول الالعاب اللي لعبوها

اخوكم سعودي تكانه