المساعد الشخصي الرقمي

مشاهدة النسخة كاملة : أنظر بالصوره كيف رفعت سرعه المعالج(الروسيسور) ب 450 MHZ


tazko
17-02-2006, 08:19 PM
هذه الصوره قبل البدأ بالعمليه
[http://up3.w6w.net/upload/17-02-2006/w6w_20060217210658d7452285.JPG


هذه الصوره بعدالانتهاء من العمليه
http://up3.w6w.net/upload/17-02-2006/w6w_2006021721343281369942.JPG

أما بالنسبه لدرجه الحراره بعد العمليه فأنظر الصوره (في البدايه كانت درجه حراره المعالج 25:eek: :rolleyes:

http://up3.w6w.net/upload/17-02-2006/w6w_200602172139233134c509.JPG

يعود الفضل بالحراره المنخفضه للبروسيسور الى مروحه من نوع Zalman المخصصه لل Overclocking
هذه الصوره تبين شكل المروحه

http://up3.w6w.net/upload/17-02-2006/w6w_2006021721470258870b99.jpg


ملاحظات :
البروسيسور AMD3500 64BIT
الذاكره OCZ 2X512 MB
ما قمت به رفعت فولت الذاكره والبروسيسور بالاضافه الى زياده ال FSB
ملاحظه لا مجال لمقارنه الMHZ بين INTEL والMHZ لبروسيسور AMD
لان حساب الMHZ يختلف بين الشركتين (الMHZ2600 التي وصلت لها لا تساوي معالج INTEL 2600 ممنوع تجربه عمليه الOverclocking بدون معرفه الموضوع بالتفصيل

cableguy_mcm
17-02-2006, 08:40 PM
تمام اخى الفاضل على عملية الاوفر كلوك هذه

بس لابد من مراجعة بعض الأشياء

اولا : عند رفع المعالج سيتم رفع الرامات معه و الفيجا ايضا اذا من نفس البرنامج cpuz لابد من معرفة سرعة الرامات و ستكون بنفس سرعة ال HTT اذا لابد من تخفيف سرعة الرامات من البايوس الى 166 ميجا هرتز لابد من تخفيض سرعة الرام لأن عند زيادة المعالج ستبدأ الرامات فى الزيادة مرة اخرى

و بعد ذلك تبدأ باختبار الرامات ببرنامج memtest86 لأخطاء الرام لمدة مثلا 10 ساعات او اقل

ثم الدخول الى الويندوز و بداية اختبارات الثبات ببرنامج prime 95 لمدة مثلا 24 ساعة متواصلة ثم بعد الانتهاء من هذه التجربة تبدأ بتجربة الالعاب لمدة كبيرة ايضا مثلا 5 ساعات متواصلة

الشىء الثالث المهم هو AGP Locker لابد من فتحه للمخافظة على فولت الفيجا و هذا من البايوس فى بوردتك

اذا كان لابد من الرفع تدريجيا اى تبدا بالرفع 5 ثم تقيس الثبات و الرامات و خطأها ثم ترفع اكثر مثلا 15 ثم تزيد من ساعات الاختبارات و هكذا حتى تصل الى اقصى سرعة يكون فيها الثبات عالى مع المحافظة على الحرارة

لدى معالج + AMD athlon64 2800 و لكن افضل خاصية الرفع الاتوماتيكى :)

tazko
17-02-2006, 09:05 PM
السلام عليكم أخي العزيز ما ذكرته سليم

سأقول بعض الملاحظات :
هذا الموضوع يكتسح منتديات الهاردوير العالميه منذ فتره ...شعبيته تزداد يوم بعد يوم
وبعد بحثي في غوغل لم أشاهد منتدى عربي واحد يشرح هذه العمليه ...:(

أخي هذه النتيجه توصلت لها بعد كثير من الوقت ...لان العمليه تمثلت بزياده تدريجيه جدا جدا للFSB
ومن المعروف أن زياده الFSB الى حد معين تطلب زياده الفولت
وبما أن الFSB يتعلق بال (البروسيسور + التشبسيت + الذاكره )
فلا بد من زياده الفولت للذاكره لكي يبقى الوضع بدون مشاكل ...

أما بالنسبه لOverclock الاوتوماتيكي فهو محدود :p
ولا يمكن التحكم بالسرعه كما شأت :rolleyes:

تحياتي :)

tazko
17-02-2006, 09:34 PM
تمام اخى الفاضل على عملية الاوفر كلوك هذه

بس لابد من مراجعة بعض الأشياء

اولا : عند رفع المعالج سيتم رفع الرامات معه و الفيجا ايضا اذا من نفس البرنامج cpuz لابد من معرفة سرعة الرامات و ستكون بنفس سرعة ال HTT اذا لابد من تخفيف سرعة الرامات من البايوس الى 166 ميجا هرتز لابد من تخفيض سرعة الرام لأن عند زيادة المعالج ستبدأ الرامات فى الزيادة مرة اخرى
و بعد ذلك تبدأ باختبار الرامات ببرنامج memtest86 لأخطاء الرام لمدة مثلا 10 ساعات او اقل
ثم الدخول الى الويندوز و بداية اختبارات الثبات ببرنامج prime 95 لمدة مثلا 24 ساعة متواصلة ثم بعد الانتهاء من هذه التجربة تبدأ بتجربة الالعاب لمدة كبيرة ايضا مثلا 5 ساعات متواصلة
الشىء الثالث المهم هو AGP Locker لابد من فتحه للمخافظة على فولت الفيجا و هذا من البايوس فى بوردتك

اذا كان لابد من الرفع تدريجيا اى تبدا بالرفع 5 ثم تقيس الثبات و الرامات و خطأها ثم ترفع اكثر مثلا 15 ثم تزيد من ساعات الاختبارات و هكذا حتى تصل الى اقصى سرعة يكون فيها الثبات عالى مع المحافظة على الحرارة

لدى معالج + AMD athlon64 2800 و لكن افضل خاصية الرفع الاتوماتيكى :)

أظن أن هذا الفحص أكثر من اللازم :rolleyes:
يكفي فحص الجهاز ببرنامج Benchmark مثل 3DMark.. بضغط عالي على الذاكره البروسيسور ...
أذا لم يحصل Crash أثناء الفحص فهذا يدل على أن عمليه التسريع ناجحه ...والجهاز ثابت

تحياتي

cableguy_mcm
18-02-2006, 02:39 AM
نعم اخى الفاضل

بس لازم تخفض سرعة الرام لأن كدا الرام تعمل بسرعة 240 اما الفولت للمعالج ليس ذو اهمية كبيرة لأن حسب نوع المعالج كل نوع له الفولت الخاص به يعنى عندك مثلا الكور فولت 1.64 و متغير الى 1.62 لأن معالجك من نوع فينيس

اما فولت الفيجا ايضا مهم لأنك رافع الفيجا ايضا اعتقد انه مع الزيادة فى المعالج لابد ان تخفض الفولت و ليس رفعه

يعنى لما رفعت معالجى الى 2.20 و خفضت الرام فولت الرام انخفض ايضا و فولت الفيجا ايضا انخفض علشان تعمل بشكل طبيعى على سرعتها العادية

بس لازم تخفض الرام عموما عملية افور ناجحة بس خفض الرام الى 166

بص مثلا هذه عملية رفع تلقائى

http://www.uplod.yaglby.com/files/cableguy_mcm-1140225719.jpg

انظر الرام الأن

http://www.uplod.yaglby.com/files/cableguy_mcm-1140225774.jpg

ستجدها بنفس سرعة HTT اذا لابد من تخفيضها

نوع فينيس قوى جدا و ملائم جدا فى الرفع يعنى يعتبر افضل الأنواع فى الرفع الى اقصى حد

اما نوع كلوهامر فهو محدود فى الرفع

silly
18-02-2006, 06:30 AM
رائع اخواني
لكن هلا يتبرع احدكم بتفصيل الخطوات لرفع سرعةالمعالج
مع بيان الايجابيات والسلبيات
تحياتي

tazko
18-02-2006, 06:44 AM
نعم اخى الفاضل

بس لازم تخفض سرعة الرام لأن كدا الرام تعمل بسرعة 240 اما الفولت للمعالج ليس ذو اهمية كبيرة لأن حسب نوع المعالج كل نوع له الفولت الخاص به يعنى عندك مثلا الكور فولت 1.64 و متغير الى 1.62 لأن معالجك من نوع فينيس


سرعه الرام (Frequency) بعد الOverClock لدي 201 MHZ وليس 240 لان يمكن تحديد الRatio بين البروسيسور والرام من البيوس
رأيت في الانترنت مره عمليه رفع ل1000 MHZ والرام Frequency كان 201MHZ
لكن يجب تغير الTiming للحفاظ على الثبات
بالنسبه للكور فولت كان بالبدايه 1.4 ورفعته بنسبه 16 % أي أصبح بعدها 1.6
اما فولت الفيجا ايضا مهم لأنك رافع الفيجا ايضا اعتقد انه مع الزيادة فى المعالج لابد ان تخفض الفولت و ليس رفعه
يعنى لما رفعت معالجى الى 2.20 و خفضت الرام فولت الرام انخفض ايضا و فولت الفيجا ايضا انخفض علشان تعمل بشكل طبيعى على سرعتها العادية
بس لازم تخفض الرام عموما عملية افور ناجحة بس خفض الرام الى 166
بص مثلا هذه عملية رفع تلقائى
انظر الرام الأن

http://www.uplod.yaglby.com/files/cableguy_mcm-1140225774.jpg

ستجدها بنفس سرعة HTT اذا لابد من تخفيضها
نوع فينيس قوى جدا و ملائم جدا فى الرفع يعنى يعتبر افضل الأنواع فى الرفع الى اقصى حد
اما نوع كلوهامر فهو محدود فى الرفع

الرام الذي يكون الCAS Latency فيه 3 Clocks كما هو مبين بالصوره لا يصلح لعمليه Overclock عاليه
لكن أذا كان من نوع جيد يمكن خفض الCAS Latency ل 2 Clocks


;)

مكانيكي كمبيوتر
18-02-2006, 06:51 AM
تجربة كويسة و وفيت بالوعد

بس الميكانيكية اللي زي حالاتي عايزين يفهموا الحكاية

ممكن كلمتين كدا مترتبين يدخلوا النافوخ عشان نعرف ايه الي حصل


و متشكرين جدا

cableguy_mcm
18-02-2006, 11:23 AM
شوف يا ميكانيكى :)

عملية الرفع للمعالج او المعروفة ب over clock يمكن تنفيذها على المعالجات لرفع سرعتها او ال Clock speed يعنى معالج مثلا سرعته 1.80 ممكن نرفعه علشان يشتغل مثلا 2.4 بس عملية الرفع هذه بترفع معاها كل حاجه يعنى الفيجا و الرام و كمانال PCI و ال AGP

معالجات AMD athlon الجديدة تدعم العملية دى جدا على عكس انتل المحدود فيها جدا

و علشان تفهم العملية دى لازم تعرف شوية حاجات عن الرامات و سرعتها و وزمن التأخير ليها و كمان تعرف حاجات عن المعالج و سرعته و سرعة النقل ليه و حاجات عن ال PCI و ال AGP

هاقولك على انا اعرفه بس على معالج AMD
المعالج دا بشتغل بتكنولوجيا جديدة اسمها HTT اما موضوع الكلوك سيبد دا هنشبهه انه ساعة ليها عقرب دقائق يعنى لو معالج سرعته 1.8 يعنى بيعمل 1.8 تكه فى الدقيقة لو رفعناها يعنى نخليه 2.4 يعنى 2.4 ته فى الدقيقة يعنى اصبح اسرع ترجع تانى ل AMD ناخد مثلا معالج +athlon 2800 زى اللى عندى دا سرعته 1.80 جيجا على التكنولوجيا الجديدة ازاى نحسب السرعة دى فى حاجه اسمها الملتىبلاير للمعالج يعنى عدد التكات الأساسية للمعالج لأداء وظيفة معينه مثلا لو ضربنا الملتى بلاير دا فى سرعة نقل البيانات للمعالج مفسه كشريحة نوصل للكلوك سيبد ليه

يعنى المعالج اللى عندى مثلا ال HTT له و دلى سرعة نقله للبيانات هى 200 ميجا هرتز فى الثانيةمضروب فى مالتى بلاير له 9 اذا الناتج 1800 ميجا هرتز سرعة معالجة

الرفع هنا هو زيادة سرعة النقل من 200 الى اعلى يعنى مثلا 240 فى 9 يعنى 2160 ميجا هرتز و هكذا
طبعا كل معالج له فولت علشان يحقق سرعته و يشتغل كل ماترفع المعالج كل ما الفولت يترفع و ممكن تثبت الفولت بس السرعة الأعلى محتاجه فولت اعلى و هنا دا يسبب زيادة فى الحرارة للمعالج

طيب و باقى القطع لما المعالج يكون اسرع لازم القطع تكون اسرع و مواكبة للسرعة المعالج يعنى كل قطعة فى الكمبيوتر لها سرعة ناخد مثلا الرامات الباص 400 يعنى سرعتها 200 ميجا هرتز فى الثانية لو رفعت المعالج تترفع هى كمان لسرعة المعالج
طيب و ال AGP نفس القصة بياخد 2.6 فولت لو رفعنا تترفع معاهتعالى نحسبها لو معالج شغال ب 200 ميجا هرتز سرعة نقل نقسم 200 على 2.6 دا معناه 76 ميجا هرتز سرعة ال AGP

طيب نشوف ال PCI ددا بيتقسم على 6 طيب بيقى 200 ميجا هرتز سرعة نقل للمعالج طبيعية اذا ال PCI شغال بسرعة 33.33

طيب تعالى نرفع المعالج بقى ل 260 فى 9 يعنى 2340
نشوف سرعة الحاجات بقى الجديدة بعد الرفع
الفيجا نقسم 260 على 2.6 يعنى 100 ميجا هرتز و طبعا دى سرعة عالية جدا على ال AGP
نشوف ال PCI و معنى PCI هنا يشمل "كارت الساوند + الهارد ديسكات + كارتات ال PCI كلها اى PCI عندك على البوردة نقسم السرعة الجديدة اللى هى 260 على 6 يعنى 43.33 ميجا هرتز يعنى من 33.33 يعنى 10 ميجا هرنتز زيادة فى سرعتها و طبعا بعض القطع لا تدعم هذه السرعة لأنك بتغير فى مواصفات القطعة يعنى هى مصممة لأنها تشتغل بسرعة 33 الى اقصى حد 35 انت كدا ضاغط عليها و ممكن تفشل فى اداء وظيفتها او تتحرق :)

نيجى للرام و اهم حاجه لأنها سرعتها ببتغير بسرعة المعالج نفسه يعنى سرعة الرام بتتحسب عبارة عن سرعة المعالج او الكلوك سيبد مقسوم على الملتى بلاير

يعنى سرعة المعالج مثلا بعد الرفع ل 260 كانت 2340
اقسم ال 2340 على 9 ملتى بلاير تطلع 260 ميجا هرتز لو الرام لا تدعم هذه السرعة العالية لابد من تخفيضها لأنها هنزيد اصلا بعد الرفع
الموضوع خطير و لازم توخى الحذر و معرفة قدرة القطع اللى عندك قبل ما تعمل اى حاجه

tazko
18-02-2006, 11:48 AM
يا سلام عليك :)
يعطيك 1000 عافيه

أريد أضافه بعض الملاحظات

قبل اليدأ بالعمليه يجب دراسه القطع الموجوده في جهازك (البروسيسور ,لوحه الام , الذاكره ...)
وفحص أذا كانت تتحمل زياده السرعه .(أغلب القطع الجديده تدعم التسريع )

وأهم شيء في العمليه درجه الحراره العاليه التي تصدر بعد التسريع
وجود وسائل التبريد الجيده للبدأ في هذه العمليه ....مروحه عاديه لا تكفي !!!

كما ذكرت أن سرعه البروسيسور مكونه من
Multiplier X FSB = CPU Clock
وبهذا يمكن زياده سرعه البروسيسور أما بزياده الFSB أو بزياده الMultiplier

من المفضل زياده الFSB لانه يحسن الاداء أكثر من زياده الMultiplier

الموضوع مفتوح للاسئله والنقاش

تحياتي :)

مكانيكي كمبيوتر
18-02-2006, 11:59 AM
الله الله الله

دا كلام خطير جدا

بس لا مؤاخذة سؤال ميكانيكاوي شوية

هي سرعة الساعة دي ها تفيدني في ايه ؟

يعني نركز شوية في السؤال بطريقة ميكانيكاوية

كان فيه جهاز اسمه G4 و كانت سرعة الساعة بتاعته بالتعبير الميكانيكاوي هي نفسها سرعة الساعة بتاع جهاز انتل

بس بقى ايه المعلمين الكبار خالص كانوا بيقولوا ان اداء G4 حوالي 10 ضعاف الانتل اللي ساعته زي ساعته

اسمحوا لي يا اخواننا ميكانيكي بقى

اللي افهمه ان مش سرعة الساعة هي اللي بتوزن المسالة

يبقى ايه اللي بيوزنها ؟

tazko
18-02-2006, 12:13 PM
الله الله الله

دا كلام خطير جدا

بس لا مؤاخذة سؤال ميكانيكاوي شوية

هي سرعة الساعة دي ها تفيدني في ايه ؟

يعني نركز شوية في السؤال بطريقة ميكانيكاوية

كان فيه جهاز اسمه G4 و كانت سرعة الساعة بتاعته بالتعبير الميكانيكاوي هي نفسها سرعة الساعة بتاع جهاز انتل

بس بقى ايه المعلمين الكبار خالص كانوا بيقولوا ان اداء G4 حوالي 10 ضعاف الانتل اللي ساعته زي ساعته

اسمحوا لي يا اخواننا ميكانيكي بقى

اللي افهمه ان مش سرعة الساعة هي اللي بتوزن المسالة

يبقى ايه اللي بيوزنها ؟

الG4 هو بروسيسور تابع لحواسيب الماكينتوش :rolleyes: ...هو من أنتاج شركه IBM ..هذا البروسيسور يسحق الINTEL وال AMD
سيبك من الG4 ...هذا عالم مختلف .نحن نتحدث عن الPC العادي :)

أكيد أن سرعه البروسيسور وحدها لا تقرر الاداء ....مثال كبير
كل البروسيسور الجديد التابع لشركه AMD يعمل بسرعه منخفضه مقارنه مع البروسيسور التابع لشركه Intel
لكن الاداء أكبر بكثبببر
يعني ال
AMD 2600 MHZ أفضل من ال Intel 3000MHZ
لان مبنى البروسيسور من الداخل هو يقرر بالتالي الاداء

تحياتي يا عزيزي مكانيكي كمبيوتر :)

مكانيكي كمبيوتر
18-02-2006, 06:29 PM
هو بقى دا الكلام الحلو

يعني سرعة الساعة مش هي العامل الوحيد

فيه عوامل تانية

هي ايه بقى العوامل التانية ؟

يعني كدا بالصلاة على النبي انا بيلف في نافوخي مثال ميكانيكاوي شوية

لو عندنا شريط سكة حديد و فيه تحويلة و التحويلة دي مثلا بتشتغل كل ربع ساعة لما بيمر قطار عليها

ايه فايدة اني اشغلها كل 3 دقايق مثلا ؟ ما لهاش فايدة

فيه حد لقط الفكرة اللي انا عايز اقولها ؟

نورونا يا اخواننا

ايه اللي بيرفع اداء الكمبيوتر غير تردد الساعة ( اللي بالهرتز مش بالهرتز في الثانية ) و بيكون له الاثر الاكبر من تردد الساعة

حد من المعلمين كدا يقول حاجة

fox_0777
18-02-2006, 07:01 PM
ههههههههههههههههههههههههههههههه
قشطه عليك يا ميكانيكى
اسئلتك دى جامده دى برضه هى السئله اللى كنت عاوز اسئل عليها
شكلى انا كمان عاوز قرص فى الموضوع ده

ولد البوعينين
18-02-2006, 07:24 PM
شكرا على الموضوع الرائع
لكن الجاء شرح بعض المفاهيم لتعم الفائدة على الجميع

Overclocking << شرح مبسط لها وكيفية القيام بها

فولت الذاكره والبروسيسور << كيفية زيادتهما وما سلبياته وايجابياته ومتطلباته

FSB


Multiplier

وهل تصلح هذه العملية مع معالجات انتل بونتيوم 4

وشرح بعض المفاهيم الاخرى
لتعم الفائدة ويستفيد كل المشاغبين
ومنكم نستفيد

تمنياتي لكم بالتوفيق والنجاح

اخوكم

cableguy_mcm
18-02-2006, 07:53 PM
كلام جميل جدا :) يا اخوانى

طيب نزود الكلام بالنسبة لعملية الرفع او over clock مش كل البوردات تدعم العملية بطريقة جيدة و مش معنى انك عندك نفس المعالج اللى عند واحد اخر اذا ممكن تنجح او توصل لنتيجته مثلا العملية فى حظ كبير

الأهم من دا ان عملية الرفع يعنى رفع لكل القطع زى ما قلنا فى السابق " رام + معالج + AGP + كل و اى حاجه PCI حتى لو كانت built in على اللوحة الأم "

و من اهم حاجه فى PCI الهارد ديسك لأن الهارد ديسك بيتعامل مع الساوث بريدج او الشيب الجنوبية للبوردة و هى بتتعامل مع كل كروت PCI و الفولت الخاص بها 3.3 فولت دا الفولت الخاص بال PCI

عموما الهارد او او ال PCI مثل ما قلنا مدعوم بسرعة المصنع القصوى و هى 33.33 ميجا هرتز و مش هنضمن انه ممكن يستحمل اسرع من كدا و الا ممكن نفقد الداتا اللى على الهارد و المشكلة دى مع الهردات الساتا اكثر

قام الناس دى قالت ان فى بوردات فيها خاصية AGP/PCI lock يعنى لو فتحت هذه الخاصية هتثبت سرعة ال AGP و ال PCI على سرعاتهم العادية و هنا تقدر ترفع زى ما انت عايز لحد ما تلمس عدم الثبات و بيكون دا اقصى درجة رفع ممكن توصلها و دى بالتجريب.

اذا من الأفضل تثبيت سرعات AGP و PCI علشان تقدر ترفع
المشكلة هنا ان البوردة اللى عندى من نوع K8T800 VIA و هذه البوردة لا يوجد بها هذه الخاصية فأصبحت عملية الرفع هنا محدودة جدا لأن مافيش حل نقدر بيه نثبت سرعة ال AGP و PCI اذا سرعتهم هتزيد مع الرفع لا محالة لكن البوردة عن اخونا تازكو نت نوع Nforce و يجد بها هذه الخاصية

اما البوردات من نوع Nforce يوجد بها هذه الخاصية و بالتالى قدرتها فى الرفع عالية جدا

عموما انا فكر ان ممكن علشان نقلل سرعة الفيجا و ال PCI ان اقلل الفولت الخاص بهم بس لسه مجربتش :) علشان لما ارفع هوصل تانى لنفس السرعة الأصلية و هذا تحت التجربة

نرجع لقوى معالج AMD عن انتل مع ان معالج AMD سرعات الساعة له او كلوك سبيد له ليس كبير

الفكرة فى تقنية المعالج و ما يسمى ميمورى كونترولر هذه الذاكرة موجودة داخل المعالج و ليس على البوردة مثل انتل و بالتالى اصبح سرعة تبادل الداتا بين المعالج و الميمورى الخاص به اسهل و اقصر فى الطريق و لايوجد تدخل من قطع اخرى بينهم

و نضيف ايضا ان كل داتا لها مسار اى ان البوردة عبارة عن مسارات شانيل و هنجد ان AMD عملت عملية توسيع للمسارات دى و اصبحت مزدوجة يعنى المعالج بينقل على قنتين ارسال و استقبال و كل واحدة بسعة 16 بت الى 32 بت

قصة القنوات دى زى الطريق السريع لو هو 2 حارة فقط مش ممكن هيشيل سيارات مثل ما هو 4 حارة لو 4 حارة هيشيل ضعف 2 حارة و بالتالى كم الداتا اصبح اكثر فى النقل بالاضافة الى سرعة النقل نفسها

و ايضا نضيف سرعة الشيب ايضا كعامل فى السرعة عموما الشيب الشمالية لها انواع و كل نوع يتميز عن الأخر فى سرعة بثه للداتا و هنا الكلام شيبات AMD او التى تدعم هذا المعالج اقوى و اسرع من شيبات انتل من اول 845 الى 865 و حتى 915

علشان كدا ممكن تلاقى معالج AMD بسرعة 1.80 كلوك بس يقارن بمعالج بسرعة 3000 او 3200 من انتل

لكن مش هنقدر ننكر خاصية هايبر ثريدينج فى انتل و لكن قالوا ان لو انتل اوقفت هذه العملية الهايبر ثريدينج او بيطلقوا عليها المعالجات الوهمية virtual preoccessing فستكون فى قاع المقارنات مع معالجات AMD

هذا بالاضافة الى انى عمرى ما شفت مرونة فى الرفع للمعالجات مثل AMD حاولت ارفع انتل لكن المحاولة باءت بالفشل و لم الاحظ اى تغير فى سرعة الجهاز بالعكس وجدت عدم ثبات على طول الخط ... و كل شوية ريستارت مع انى رفعته حاجه بسيطة من 2.4 الى 2.5 عن طريق زيادة FSB فقط

am-ma
18-02-2006, 08:08 PM
هو بقى دا الكلام الحلو

يعني سرعة الساعة مش هي العامل الوحيد

فيه عوامل تانية

هي ايه بقى العوامل التانية ؟

يعني كدا بالصلاة على النبي انا بيلف في نافوخي مثال ميكانيكاوي شوية

لو عندنا شريط سكة حديد و فيه تحويلة و التحويلة دي مثلا بتشتغل كل ربع ساعة لما بيمر قطار عليها

ايه فايدة اني اشغلها كل 3 دقايق مثلا ؟ ما لهاش فايدة

فيه حد لقط الفكرة اللي انا عايز اقولها ؟

نورونا يا اخواننا

ايه اللي بيرفع اداء الكمبيوتر غير تردد الساعة ( اللي بالهرتز مش بالهرتز في الثانية ) و بيكون له الاثر الاكبر من تردد الساعة

حد من المعلمين كدا يقول حاجة




يعني نجعل القطار يتذكر يمر كل 3 دقائق

نرفعله سرعة الذاكره مش نخفضها

tazko
18-02-2006, 08:12 PM
هو بقى دا الكلام الحلو

يعني سرعة الساعة مش هي العامل الوحيد

فيه عوامل تانية

هي ايه بقى العوامل التانية ؟

ايه اللي بيرفع اداء الكمبيوتر غير تردد الساعة ( اللي بالهرتز مش بالهرتز في الثانية ) و بيكون له الاثر الاكبر من تردد الساعة

حد من المعلمين كدا يقول حاجة

:) يا هلا بالمكانيكي كمبيوتر
أخي العزيز العوامل كثيره (غير الهيرتز )
سأذكر قسم منها ...حسب ذاكرتي سأقوم بالشرح ... وأذا نسيت حاجه سيقوم الاخوه في التكمله :)
الكاش ميموري (بأنواعها L1 ,L2)
شرح بسيط عنها : الذاكره ممكن أن تكون داخل مبنى البروسيسور أو خارجه ..وهي تعمل بسرعه تفوق الرام العادي بعشرات الاضعاف , كلما كان حجمه أكبر كان أفضل وأسرع (الكميه القصوى المتوفره اليوم هي 2 ميجا ) . ووظيفتها حفظ المعلومات التي من المتوقع طلبها من البروسيسور وبهذا نوفر عمليه البحث في الذاكره ..وتقاس بالنجاح (في تخمين الطلب ) بما يسمى بال Hit Ratio

توفر أوامر جاهزه في داخل البروسيسور : هدفها تسريع عمليات معقده مثل الالعاب والجرافيكس أو تحويل الفيديو .....
هذه الاوامر في أزدياد مستمر ..

وأيضا مبنى المعالج الداخلي وكيفيه تعامله مع الجهاز تختلف بين شركه الAMD وال INTEL
لا يمكن شرحها
تحياتي

fox_0777
18-02-2006, 08:16 PM
هو انا عندى جهاز طبعا بقال له 6 سنين
طبعا البروسيسور amd
ما علينا من ده
كنت عاوز اعرف حاجه لو تسمحولى
حبيت اشترى بروسيسورAMD
طبعا اللى بيدعم 64 بت

عاوز اعرف الكاش ميمورى بتاع المعالجات الجديده دى بيبداء من كام
كمان AMD athlon 64 2800
ماذا تعنى 2800 هل هى سرعه المعالج
اعزرونى اصل فهمى بطئ ههههههههههههههههه
طيب لو دى مش السرعه اعرف سرعته منين بتبقى مكتوبه على البروسيسور نفسه

طيب حد يقولى الصوره دى لمعالج amd
سرعته كام؟والكاش كمان كام ؟

http://img134.imageshack.us/img134/604/fx6026mg.jpg

tazko
18-02-2006, 08:28 PM
كلام جميل جدا :) يا اخوانى

الأهم من دا ان عملية الرفع يعنى رفع لكل القطع زى ما قلنا فى السابق " رام + معالج + AGP + كل و اى حاجه PCI حتى لو كانت built in على اللوحة الأم "


أحييك على مجهودك في شرح رائع

أسمح لي في بعض الملاحظات ..:)

ليس بالضروره رفع جميع القطع !
مثال : يمكن عمل أوفركلوك بدون الAGP

عموما انا فكر ان ممكن علشان نقلل سرعة الفيجا و ال PCI ان اقلل الفولت الخاص بهم بس لسه مجربتش :) علشان لما ارفع هوصل تانى لنفس السرعة الأصلية و هذا تحت التجربة

لم أفهم ..الهدف من تقليل الفولت وبالتالي تقليل سرعه الفيجا .


علشان كدا ممكن تلاقى معالج AMD بسرعة 1.80 كلوك بس يقارن بمعالج بسرعة 3000 او 3200 من انتل
هذا بالاضافة الى انى عمرى ما شفت مرونة فى الرفع للمعالجات مثل AMD حاولت ارفع انتل لكن المحاولة باءت بالفشل و لم الاحظ اى تغير فى سرعة الجهاز بالعكس وجدت عدم ثبات على طول الخط ... و كل شوية ريستارت مع انى رفعته حاجه بسيطة من 2.4 الى 2.5 عن طريق زيادة FSB فقط

100% خاصيه الرفع لمعالج الAMD أفضل بكثير من ال INTEL لسبب رئيسي هو أن معالج الAMD يعمل بMHZ منخفض
بدون تأثير الاداء (بالعكس الاداء أفضل) ...ومن المعروف أن أذا قل الMHZ قلت درجه الحراره ..وعندها المجال للاوفركلوك مفتوح أكثر
ومعالج أنتل هو العكس لما قيل سابقا

تحياتي

tazko
18-02-2006, 09:31 PM
هو انا عندى جهاز طبعا بقال له 6 سنين
طبعا البروسيسور amd
ما علينا من ده
كنت عاوز اعرف حاجه لو تسمحولى
حبيت اشترى بروسيسورAMD
طبعا اللى بيدعم 64 بت

عاوز اعرف الكاش ميمورى بتاع المعالجات الجديده دى بيبداء من كام
كمان AMD athlon 64 2800
ماذا تعنى 2800 هل هى سرعه المعالج
اعزرونى اصل فهمى بطئ ههههههههههههههههه
طيب لو دى مش السرعه اعرف سرعته منين بتبقى مكتوبه على البروسيسور نفسه

طيب حد يقولى الصوره دى لمعالج amd
سرعته كام؟والكاش كمان كام ؟

http://img134.imageshack.us/img134/604/fx6026mg.jpg

المعالج الذي بالصوره هو FX
:eek: :eek: ثمنه أكثر من 1000 دولار (المعالج لوحده بدون أي شيء :eek: )
ويعد أفضل معالج لدى AMD وهو مخصص لل Gamers

cableguy_mcm
19-02-2006, 12:48 AM
السلام عليكم يا اخوانى

احب ان اشكر صاحب الموضوع العضو تازكو على عمل هذه المشاركة لأن معالج AMD من حقه ان ينتشر و لأن الناس دائما تحب المضمون اللى هو انتل بردو تعرف ان AMD من المعالجات القوية المضمونة التى تفادت اخطاء انتل و اصبحت الأن ممتازة و مضمونة

نبدأ الكلام مع الأخ السائل العزيز فوكس

كنت عاوز اعرف حاجه لو تسمحولى
حبيت اشترى بروسيسورAMD
طبعا اللى بيدعم 64 بت

عاوز اعرف الكاش ميمورى بتاع المعالجات الجديده دى بيبداء من كام
كمان AMD athlon 64 2800
ماذا تعنى 2800 هل هى سرعه المعالج
اعزرونى اصل فهمى بطئ ههههههههههههههههه
طيب لو دى مش السرعه اعرف سرعته منين بتبقى مكتوبه على البروسيسور نفسه

طيب حد يقولى الصوره دى لمعالج amd
سرعته كام؟والكاش كمان كام ؟

الموضوع بسييط جدا عندنا موقع الشركة نفسه www.amd.com

تفضل هذا الرابط http://www.amdcompare.com/us-en/desktop/

من القوائم اختر الموديل و رقمه و على فكرة الأرقام اللى هى 2800 و 3000 و 3200 و هكذا هى ارقام الموديلات و ليست السرعات للمعالج و بعدين اختار التردد له او سرعته
و نوع السوكيت هل هو 754 ام 939 كل ما تكمل خانه هيطلع جدول بالموديلات المتاحة و كل المعلومات عن المعالج فى هذه الفئة

http://www.uplod.yaglby.com/files/cableguy_mcm-1140304909.jpg

http://www.uplod.yaglby.com/files/cableguy_mcm-1140305052.jpg

على المعالج نفسه انظر

http://www.uplod.yaglby.com/files/cableguy_mcm-1140305172.jpg

دا كل شىء علشان تعرف مواصفات شريحة المعالج AMD

المعالح اللى فى الصورة و على نفس الدليل فى الصورة اللى رفعتها

AMD athlon FX 60
socket 939 pin
L2 cahce 2MB
frequency or clock speed = 2600 MHz
Vcore = 1.30 to 1.35
L1 cache=256

Processor AMD Athlon™ 64 FX
Model FX-60
Ordering P/N (Tray) ADAFX60DAA6CD
Ordering P/N (PIB) ADAFX60CDBOX
Operating Mode 32/64
Stepping E6
Frequency 2600Mhz
HT Speed 2000
Voltage 1.30-1.35V
Max Temp 49-65°C
Thermal Power 110W
L1 Cache 128KB + 128KB
L2 Cache 1MB x2
CMOS Technology 90nm SOI
Socket Socket 939

نأتى الأن لأخى تازكو :)

أسمح لي في بعض الملاحظات ..

ليس بالضروره رفع جميع القطع !
مثال : يمكن عمل أوفركلوك بدون الAGP

اذا كان عندك AGp/pcI lock على البوردة و بوردتك تدعم الخاصية هنا ممكن نثبت pci على 33.33 و نثبت سرعة الفيجا ايضا ... و على فكرة اخى تازكو بورتدتك داعمة للخاصية اعتقد انها Nforce3 ؟؟؟ :confused:

لم أفهم ..الهدف من تقليل الفولت وبالتالي تقليل سرعه الفيجا .

لما نرفع لو خاصية AGp/pcI lock موجودة نثبت سرعاتهم لو مش موجودة سرعتهم هتزيد بالرفع فكنت بفكر اخفض فولت الفيجا علشان لما نرفع تزيد سرعة الفيجا الى الحد الأساسى لها لأن الفولت هيزيد لما نرفع

silly
19-02-2006, 05:56 AM
رائع الاخوان cableuy_mcm و tazko

لكن

اخواني لو بدأنا من الاول دخولا لكيفيه عمل رفع سرعة المعالج وصولا الى السرعة المطلوبه
كل ذلك بالتفصيل الممل وباسهاب

كنا بنكون عندكم في نقاشكم لانه موضوع شيق وشائك بنفس الوقت واستغرب من اعضاء المنتدى اللي ما شاهدوا الموضوع بعد
واعذرونا لاه ما كلنا ملمين بالموضوع مع انه عندنا معالجات AMD
تحياتي

مكانيكي كمبيوتر
19-02-2006, 07:55 AM
يا اخواننا اعذروني و فهموني

السرعة يعني ايه السرعة ؟

و ها نحدد في نقطة واحدة

في الهارد دسك

يقول لك السرعة 7200 RPM

و شوية يقول السرعة 33.3 M Hz

و شوية يقول لك السرعة 66.6 Mbps

ما هو مش عشان انا ميكانيكي تتوهوني

هي السرعة مين في كل دول ؟

طيب و الاوفركلوبنج و اللا كلوكنج و اللا الاوفر في الجون على طول ها يلعب مع مين من السرعات دي ؟

انا عايز معلم مش اسطى و لا صبي ميكانيكي و طبعا بلية ما يقدرش يدخل المكان

انا عايز معلم يمخمخ كدا و يتكلم كلام معلمين و يقول بقين حلوين في المسالة بدل ما الدنيا هايصة كدا

مكانيكي كمبيوتر
19-02-2006, 11:27 AM
مقتطفات


انتل سنة 2005 رجعت في كلامها و ما نزلتش بروسيسور اسمه Tejas سرعة الساعة بتاعته 4 جيجا هرتز لما لقت ان استهلاكه في الكهرباء ها يبقى 100 وات ( دا المعالج لوحده ) يعني سعادة البيه المعالج ممكن تستفيد منه في الكمبيوتر و تعمله دفاية بس فيه حاجة مش ها تقدر تقعد من كتر الوش اللي ها تعمله المروحة اللي بتبرده

بيقولوا ان AMD هي اول شركة عملت بروسيسور Dual Core يعني معالج بقلب مزدوج و بيقولوا انتل كمان و الكلام دا زي ما بيقولوا المعلمين الكبار الكلام دا غلط لان شركة IBM هي البريمو اللي سبق الكل سنة 2001

طبعا اسرع بروسيسور بقلب واحد Single Core اقل من اي بروسيسور بقلب مزدوج Dual Core حتى لو كان سرعة الساعة بتاعته اقل بكتير

يعني مثلا اسرع بروسيسور من انتل و جاي في البوكس بتاعه اللي هو Intel Pentium 4 model 670 بسرعة 3.8 جيجا هرتز لا يقارن بواحد تاني Dual Core زي Intel Pentium D 840 اللي سرعته 3.2 جيجا هرتز

بيقولوا ان الاسطوات الكبار في شركة انتل بيجهزوا بروسيسور بقلب رباعي 4Core ها ينزلوه سنة 2007 و برضو بتوع AMD بيقولوا نفس الكلام


بس المجدعة بقى ان انتل جاهزة حتى بالاسم و بيقولوا انهم بيشتغلوا في بروسيسور ها يبقى بــ 8 قلوب 8Core و قالوا ان ها يبقى اسمه Yorkfield بتوع AMD لسه تايهين

========

يعني كدا يا اخواننا بالصلاة على النبي و على حسب تفكيري الميكانيكاوي و انسوا حكاية الكيماوي الامريكان واقفين على الباب

الحكاية طلعت حاجة تانية خالص مش حكاية سرعة دا بالعكس السرعة اللي هي سرعة الساعة مضرة بترفع الحرارة و بتستهلك كهرباء كتير و بتقرب اجل الجهاز و القطع بتاعته

و طلع ان الفايدة في حاجات تانية غير السرعة

ليه بقى انتو مهووسين بالسرعة ؟

دوروا على المفيد

fox_0777
19-02-2006, 11:42 AM
شكلك فاهم يا نصه اقصد يا ميكانيكى

وشكرا لك يا مشرفنا العزيز :cableguy_mcm
على الرد على اسئلتى

اه كنت هتنسينى يا ميكانيكى

انت جبت المعلومات اللى فى مشاركتك الاخيره دى منين
معلش اصلى ناوى ادخل معاكم شريك فى الورشه
فحبيت ارف كل حاجه
ههههههههههههههههه

tazko
19-02-2006, 12:42 PM
مقتطفات

الحكاية طلعت حاجة تانية خالص مش حكاية سرعة دا بالعكس السرعة اللي هي سرعة الساعة مضرة بترفع الحرارة و بتستهلك كهرباء كتير و بتقرب اجل الجهاز و القطع بتاعته
و طلع ان الفايدة في حاجات تانية غير السرعة

ليه بقى انتو مهووسين بالسرعة ؟

دوروا على المفيد

:D
أخي الميكانكي لا شك أن رفع سرعه البروسيسور والذاكره أي كل ال (BUS) سيزيد من سرعه الجهاز
وهذا مثبت بحقائق وليس مجرد تخمين ...يمكنك البحث بغوغل على Overclocking وسترى أنه يتم قياس أداء الجهاز
قبل العمليه ..وبعد ال Overclocking يتم قياس الاداء مره أخرى (بواسطه برامج ال Benchmark)
وسترى أن هناك تحسن ملحوظ

تحياتي

cableguy_mcm
19-02-2006, 04:44 PM
يا اخى ميكانيكى :)

عندك سرعات مختلفة احنا بنتكلم على سرعات النقل للقطع الاكترونية

يعنى مثلا المعالج ليه سرعة معالجة و سرعة نقل سرعة المعالجة هى الكلوك او الساعة زى ما بتقول و دى بتتحسب من انك تضرب سرعة النقل اللى هى BUS فى حاجة اسمها مالتى بلاير او عدد مرات تكرار السرعة و دا بيختلف من معالج لأخر
نأخذ مثال على انتل سرعة النقل او BUS له هى 133 ماشى نضربها فى مالتىبلاير 19 مثلا يبقى المعالج دا بسرعة 2.5 جيجا كلوك طيب سرعة الباص او BUS هو سرعة النقل من القطعة الى قطعة اخرى و العكس يعنى معالج انتل 533 باص يعنى بينقل بسرعة 133 ميجا هرتز فى الثانية

اما الرام لما اقولك رام باص 400 يعنى بتنقل بسرعة 200 ميجا هرتز فى الثانية و بعيد فى حاجه اسمها الباندويدث او كم الداتا او كمية الداتا اللى ممكن تتنقل فى الثانية يعنى لو رام باص 400 بسرعة 200 ميجا هرتز تنقل كمية 3200 ميجا باين فى الثانية يعنى 2 رام من النوع دا تعطيك كمية داتا 6400 ميجا بايت و يتم نقلها بسرعة 200 ميجا هرتز فى الثانية الى وجهتها المطلوبة

امال ايه معالج باص 800 يعنى بينقل بسرعة 200 ميجا هرتز فى الثانية و الباندويدث ليه 6400

علشان كدا لما يكون عندك معالج باص 800 من الأحسن انك تجيبله رامات باص 400 علشان توافق الباندودث للرام مع الخارج من المعالج

اما فى AMD فى حاجه جديدة اسمها system bus يعنى سرعة القطع كلها مع بعض اللى هى رام + معالج + فيجا فى معالجات AMD بتوصل من 1600 ميجا هرتز الى 2000 ميجا هرتز

الرفع بقى يعنى برفع كل العوامل دى الى سرعات اعلى

يعنى معالج ممكن يشتغل بسرعة نقل 250 مثلا لكن الرام ممكن متقدرش على السرعة دى ماشى

اما ال 33.33 دى سرعة باص لل PCI بقى المرادى يعنى سرعة نقل بين الهارد ديسك و الشيب الجنوبى و سرعة نقل بين كارت نتورك و السيب الجانوبى طبعا لما برفع بردو الحاجات دى بتزيد

يعنى العملية كلها عملية نسب و تقسيم

مثلا لما رافع معالج انتل بسرعة كلوك 2.4 جيجا اللى هى 133 فى مالتى 18 لو عايز ارفع ازود فى ال 133 ميجا هرتز دول و اخد الرقم الجديد اللى زودته و اضربه فى المالتى تانى عالشان اجيب السرعة الجديدة يقى 140 مثلا فى 18 يبقى 2520 ميجا او يعنى 2.5 خلاص

طيب نشوف الرام بتتحسب بنسبة CPU/multiplier يبقى نقسم 2525 على 18 يبقى شغاله ب 140

نشوف AGP شغال بسرعة نقل كام نقسم 140على 2.6 يبقى 53 ميجا هرتز

طيب PCI نقسم على 6 بس المرة دى نقسم سرعة باص المعالج 140 على 6 يبقى 23 ميجا هرتز

طيب نأخد معالج AMD بسرعة باص اصلية 200 ميجا هرتز و مالتى بلاير 11 مثل معالج تازكو

ناخد الوضع قبل الرفع

سرعة كلوك للمعالج 11 فى 200 يعنى 2200 او 2.2 جيجا

رام يبقى CPU/multi

يبقى 2200 على 11 يعنى 200 ميجا هرتز سرعتها القصوى

فيجا يبقى 200 على 2.6 يعنى 77 ميجا هرتز

PCI

200 على 6 يعنى 33.33


نرفع بقى من 200 ميجا فى 11 الى مثلا 245 فى 11 يبقى الكلوك الجديد 2695 يعنى 2.7 جيجا

نشوف رام تتطلع بردو 240 ميجا هرتز علشان كدا لازم تكون عارف هل الرام تقدر تشتغل بالسرعة دى ولا لاء لو لاء لازم نخفضها خلاص

نحسب AGP

245 على 2.6 يعنى 94 ميجا هرتز

نحسب PCI يبقى 245 / 6 يعنى 40.8 ميجا هرتز

نحسب بقى system bus

معالج تازكو هيكون 1000 ميجا هرتز فى 2 قناه نقل يعنى يوصل ل 2000 ميجا هرتز

طيب فى حاجه اسمها LDT اللى هى ال system bus

نحسب بعد الرفع و نشوف وصل لكام من 2000

ال LDT دا ليه بردو مالتى بلاير بيكون 5

يعنى لو من غير رفع هيكون 800 اللى هى عبارة عن 200 باص المعالج فى 5 مالتى يعنى 1000

طيب احنا رفعنا ل 245 فاكر يبقى 245 فى 5 مالتى ل LDT يبقى 1225 نضرب فى 2 قناة نقل يبقى 2450 system bus
و هو الأصلى له 2000 يبقى زودنا كل النقل بين القطع ب 450 ميجا هرتز

طيب ايه الفرق

الفرق هنا هو انك مثلا لما تيجى تحمل لعبة معينه بتحمل الانجن و الجرافيك و المحتويات الأخرى صح

لما تحمل الداتا دى بسرعة 2000 او تحملها بسرعة 2450 تفرق طبعا يعنى اننت سرعت كل حاجه و اصبح نقل الداتا تسرع بقدر معين لأنك زودت البانويدث لكل حاجه

يعنى لو عندك طريق 2 حاره و عمال تدخل سيارات عليه هنوصل انه احنا هنتخنق و مافيش ولا عربية هتتحرك من مكانها

لكن لو زودت عدد الحرات اصبح فى مساحة اكبر للتحرك و كل ما بتزود كل ما المساحة بتزيد و تنقل اكتر كمبة فى اقل وقت

طيب نشرح شوية عملية الرفع لمعالج AMD athlon

اولا : لازم تعرف ان معالجات AMD ليها انواع او بسموها core

يعنى معالج الى عندى اسمه كلوهامر طيب ايه الفايدة من القصة دى

ان كل كور ليه امكانيات رفع معينه يعنى اعتقد ان معالج تازكو من كور فينيس و هو اقوى كور للرفع و امكانيته عاليه جدا فى عملية الرفع و يتقبلها بمرونه

طيب ... تانى حاجه الحرارة يعنى اى شىء بيتحرك بيولد طاقة لو اتحرك اسرع يولد طاقة اكثر و كل معالج له حد اقصى من الحرارة لا يجوز ان يصل الى بعدها حتى لو بدرجة واحدة

اذا اعرف مواصفات معالجك الأول يعنى معالجى يتحمل حتى 70 درجة اذا ان هنا محدود الى 70 درجة لكن لو هناك نظام تبريد جيد جدا مثل تبريد الماء و على معايا حرارة المعالج الى 65 و استطيع انى اخفضها الى 60 او 58 يكون احسن اذا ممكن ان تبريد الأصلى للمعالج يبدأ يفشل فى تخفيض حرارة المعالج اثناء الرفع و كدا انت مطالب انك تغير التبريد الى تبريد اقوى

و بعدين اعرف مواصفات القطع اللى عندك لأن ممكن تشتغل بسرعة عالية لا تستطيع انها تتحملها و بالتالى عملية الرفع اصبحت محدودة بالقطع اللى عندك مينفعش ان احنا نضغط عليها

و اللوحة الأم اهم شىء فى الموضوع خيارات البايوس ليها كتير فى العملية و مرنه ولا لأء

مثال على كدا لوحة ام K8T800 اللى هى تدعم معالجات AMD من سكويت 475 بن قدرة الرفع فيها محدودة جدا لأن مفهاش خيارات تعديل كتير و بالتالى انت محطوط ادام شىء مغلق

مثال اللى احنا قلنا عليه AGP/PCI lock زى ما عرفنا ان لما ارفع كله هيترفع يبقى لازم احافظ على AGP و PCI على سرعتهم الأساسية لو انا مش عارف قدرتهم على العمل بسرعة اكبر و الخيار دا مش موجود فى البوردة السابقة

الخيار دا بيثبت سرعات AGP و PCI الى الحد الأساسى لهم و يخرجوا من معادلة الرفع

كمان موضوع ال system bus او LDT او المعروف ب Lightining data trnasport ليه مالتى بلاير البوردة السابقة لا تجعلك تتحكم فيه و بالتالى انت محكوم بقيم ثابته ممكن البوردة عند الرفع لا تستطيع ان تعمل عند سرعة مثلا 1800 لو هى 1600 حد اصى

طيب من افضل البرودات هى بوردات المعتمدة على شيبات NForce

و كمان الطاقة او الكهرباء

كل معالج له كور فولت خاص به علشان يشتغل بسرعته الأصلية ممكن يترفع على نفس الفولت لكن لو واجهنا مشاكل يبقى ممكن نحتاج رفع الفولت شويه مثلا بمقدار 5 من عشرة فولت مثلا علشان نزيد قدرته على العمل بالسرعة الجديدة

و كدا اصبح الباور سبلاى مهم ايضا لأنه بيورزع كهرباء على كله مش المعالج بس و بالتالى اقل حاجه باور 400 وات اكثر يكون احسن

نظلم التبريد مهم دائما راعى و شوف درجة الحرارة

و بعدين اخر حاجه برامج قياس الثبات و الحرارة و اخطاء الرام

عملية الرفع على مسئوليتك الخاصة ليس على مسئوليتى نهائى و هى فن و مزج صحيح بين القطع و قدرتها
العملية خطيرة لابد من التحذير و اكرر على مسئوليتك و ليس مسئوليتى يعنى انا غير مسئول عن اى اضرار قد تحدث لجهازك لأن كما ذكرت تعتمد على قدرة قطعك الخاصة

هدف العملية

الوصول الى اقصى سرعة يمكن ان يعطيهالك جهازك كله بكل القطع مع الثبات ايضا و مهم جدا الثبات علشان كدا بنختبر الثبات و اخطاء الرام

الأدوات

برنامج CPUz لمعرفة المعالج و الرام و البوردة

برنامج prime95 لقياس الثبات

برنامج bench mark بقياس الكفاءة بعد الرفع و معرفة الأداء الجديد

و حتى هذا و الحصول على هذه البرامج لكم سأنهى الحديث :) و ارجو من الأخ تازكو ان يشاركنى فى الموضوع لشرح رفع لأكثر من معالج انشاء الله

مكانيكي كمبيوتر
19-02-2006, 05:14 PM
شكلك فاهم يا نصه اقصد يا ميكانيكى

وشكرا لك يا مشرفنا العزيز :cableguy_mcm
على الرد على اسئلتى

اه كنت هتنسينى يا ميكانيكى

انت جبت المعلومات اللى فى مشاركتك الاخيره دى منين
معلش اصلى ناوى ادخل معاكم شريك فى الورشه
فحبيت ارف كل حاجه
ههههههههههههههههه

و لو ان انا كنت خايب في الاملاء ايام ( نحو الامية ) بس يعني اظن انك تقصد يا ( اسطى ) مش الكلمة المكتوبة اللي ما اعرفش لها معنى

دا كان اول هام

تاني هام

بتقول لي جبت المعلومات دي منين ؟

المعلم بتاعنا في الورشة من وقت للتاني بيقعدنا بعد العصر على التزجة و بيعطينا محاضرات انما ايه

و علشان انا الواد الفتك في الاسطوات كلهم بيبقى المعلم كدا يعطيني واجب زيادة

واجب الاسبوع اللي فات كان ازاي تشمشم الاخبار و تصنفرها و تلمعها و تعطيها البوية

لا و ايه بيعطينا محاضرات في الترجمة الفورية كمان

لقطت المعلومة ؟

مكانيكي كمبيوتر
19-02-2006, 05:42 PM
شوف يا معلم cableguy_mcm


يا اخي انا سألت سؤال محدد

انا عايز ابدا من ( أخذ زرع حصد )

و انت طالع على طول ( على الممنوع من الصرف )

انا قلت الناس بتتكلم عن 3 سرعات مختلفة للهارد دسك

ما تروحش بعيد خليك في الهارد دسك

و عرف كل سرعة منهم معناها ايه

و ازاي لما اعمل اوفركلوبنج ها يتحسن اداء الهارد دسك

لا مؤاخذة كنا في فرح اول امبارح و الكراسي جابت الكلوبات كلها على الارض فماسكة معايا شوية حكاية الاوفركلوبنج دي ( اللي انتو بتسموها اوفركلوكنج )

عايز شرح كدا يكون واضح

و قبل ما تقول ارقام تقول معناها و مقصودها

انا ما يهمنيش الارقام زي ما يهمني معنى الارقام

و ها نخللي الكلام اللي انت قلته في المشاركة اللي فاتت الوقتي ممكن ينفع في نهاية الموسم

tazko
19-02-2006, 06:35 PM
ما تروحش بعيد خليك في الهارد دسك
و عرف كل سرعة منهم معناها ايه
و ازاي لما اعمل اوفركلوبنج ها يتحسن اداء الهارد دسك
لا مؤاخذة كنا في فرح اول امبارح و الكراسي جابت الكلوبات كلها على الارض فماسكة معايا شوية حكاية الاوفركلوبنج دي ( اللي انتو بتسموها اوفركلوكنج )
عايز شرح كدا يكون واضح
و قبل ما تقول ارقام تقول معناها و مقصودها
انا ما يهمنيش الارقام زي ما يهمني معنى الارقام
و ها نخللي الكلام اللي انت قلته في المشاركة اللي فاتت الوقتي ممكن ينفع في نهاية الموسم

أخي المكانيكي كمبيوتر ...

لا يوجد أوفر كلوك للهارديسك ...وأذا عملنا أوفر كلوك للبروسيسور والرام ...الهارديسك راح يدل بنفس الاداء والسرعه
لكن لا تنسى أن الهارديسك ليس له علاقه بكل ما يتعلق بتنفيذ العمليات المعقده (الجرافيكس ,تحويل (الفيديو والصوت ) والالعاب )
وفي هذه الحالات سرعه البروسيسور وجودته لها تأثير كبير ....أنسى الهارديسك ..مالك علقت على الهارديسك

تحياتي

مكانيكي كمبيوتر
19-02-2006, 06:47 PM
طيب كويس يا معلم تازكو

قبل ما نسيب الهارد دسك

حد يقول كلمتين كدا مفهومين يوضحوا الفرق بين التلات سرعات اللي انا قلتهم

و بعدين انت بتقول سيبك من الهارد دسك ما بيتاثرش بعملية ( الاوفركلوبنج ) ( سامحوني الاوفركلوكنج ) مع ان الاخ كابل جاي له راي مختلف و خصوصا عند الرقم 33.3

نقف مع مين و اللا نقف ضد مين

و المهم عايزين نفهم

حد يفهمنا يا جدعان

يعني ايه سرعة 7200 rpm

و يعني ايه سرعة 33.6 ميجا هرتز

و يعني ايه سرعة 66.6 MBps

بس يكون الشرح شوية شوية على حسب مستوايا الميكانيكاوي

اصاله في القلب
30-04-2006, 10:55 PM
مواضيع قمه في الروعه
بارك الله فيك اخوي تازكووووو


ننتظر المزيد على احر من الجمر
.
اخوك توفيق

S U L T A N
01-05-2006, 01:45 AM
اخي العزيز وحبيب قلبي tazko

جزاك الله الف خير على الموضوع الاكثر من رائع

بس ممكن ترفع الصور على رابط اخر

eyes2002
09-10-2006, 07:23 PM
مشكور علي المعلومات القيمة
أبو علاء

خالد المقدسى
09-10-2006, 07:59 PM
ايه الجمال ده ياميكانى وانت يا tasko احلى حوارات شفتها ويارب يرزقنا بكام زياره وكم سؤال منك يا ميكانيكى وبعدها نبدء نفهم هاردوير وتسلمو كلكم

sammy78
12-10-2006, 06:14 AM
مافيش احسن من المشاغيبين