مش كل اللي راح ضاع @ Active Partition Recovery له رأي تاني

[مكانيكي كمبيوتر]

عيلة تايهة يا ولاد الحلال

دا اسم السيمفونية الطارشة للفنان احمد عدوية

هارد دسك معمول له عمل على ديل حوت

الحوت ضرب بديله في بحر الصين راح الهارد دسك و اللي عليه في ارياف وجه بحري

حد يعرف شيخ كويس بفك العمل دا يا ولاد الحلال ؟

======

الاستاذ الهترك عايزني اقلع العفريتة و البس بالطو ابيض

انا ها اريحه و اقلع العفريتة

بس عارفين ها البس ايه ؟

من آخره كدا ها اعمل فيها شيخ و ها اطلع الاعمال المعمولة للكمبيوترات


الواد بلية عصيته على المعلم و الوقتي بيشتغل دلال للشيخ شمهورش

و دي اول عملية فك عمل لكمبيوتر معمول له سحر على ديل حوت

=====

قاعد و حاطط منقد النار و كلبوش على دماغي و دقن عيرة و باحط البخور على النار

حي

نادي يا بلية على المسحور الاولاني

====

بركاتك يا سيدنا الشيخ

انا كنت بافرمت الجهاز داهو و بعدين ما اعرفش زي ما يكون ركبه الف عفريت

لا هو راضي يركب الويندوز و لا عارف ارجع الويندوز اللي قبل كدا

هي الست ام حنفي جارتنا منها لله

=====

شوف يا كمبيوترجي

الاسياد عايزين الطلبات تيجي في 3 ساعات

رام بسنة بيضا على سنة صفرا و هارد بشنب اسود زي الليل فيه شعرة واحدة برتقالي و بور سبلاي مصنوع في حارة عطوة في غرب لاهاي

ان ما جاتش الطلبات في 3 ساعات عوضك على الله و اعتبر الكمبيوتر مات

==

بس يا مولانا ازاي اجيب كل الطلبات في 3 ساعات

خلاص ادفع للاسياد ها يجولك اوام من بغداد و ها يعملوا لك المطلوب و يتحقق المراد

===

دفع الزبون بالتمام الالفين جنيه و تعالوا معايا اقول لكم انا عملت ايه


==============

خبط على الصورة دي و قول

افتح يا سمسم


http://www.partition-recovery.com/images/logoadrs.gif (http://www.vyomworld.com/rd.asp?url=http://www.partition-recovery.com/downloads/partitionrecoveryfloppysetup.exe)

ها ينزل لك برنامج حوالي 700 كيلو

لو شغلت البرنامج ها يعمل لك بوتابل فلوبي

او ممكن تعمل انت فلوبي بوتابل من الدوس

http://www.partition-recovery.com/images/1.gif

أو حتى من الويندوز اكس بي

http://www.partition-recovery.com/images/2-1.gif


و تنسخ ملف PR.EXE في الفلوبي اللي انت جهزته

شغل الجهاز بالفلوبي

و بعدين اكتب الامر PR.EXE

ها تظهر الصورة دي


http://www.partition-recovery.com/images/APR-HDD-INFO.gif


انقر على Unallocated

ها يبدا يولع البخور و يلف و يدور

http://www.partition-recovery.com/images/scan.gif

و بعدين ها يبان المستور

http://www.partition-recovery.com/images/detect.gif

انت بس قول له ايوه يرجع الشارد

الغايب رجع تاني و تقدر تشوفه

http://www.partition-recovery.com/images/preview.gif


بركاتك يا شيخ شمهور

=====

لا مش كدا و بس

بركات الشيخ شمهور بين الخلايق لازم تدور

========

ممكن نعمل دي لو راحت منا بارتيشن او انكتب عليها ممكن نرجعها تاني

http://www.partition-recovery.com/images/pr-ex-scan1.gif

و كدا نقدر نرجع البارتيشن لحالها الاولاني

http://www.partition-recovery.com/images/aprsave.gif

و كدا نقدر نحدد اكتيف بارتيشن

http://www.partition-recovery.com/images/APR-SET-ACTIVE.gif

و كدا ممكن نحفظ نسخة من MBR و معلومات البارتيشن

http://www.partition-recovery.com/images/APR-BACKUP-CUR-MBR.gif

حفظ معلومات البارتيشن

http://www.partition-recovery.com/images/APR-PARTITIONS-SAVED.gif

و كدا ممكن نحفظ نسخة من MBR

http://www.partition-recovery.com/images/backupmbr.gif


و بعدين نبقى نرجعها لو الاولانية حصل لها حاجة

http://www.partition-recovery.com/images/APR-CREATE-IMAGE.gif


شوفوا


البرنامج دا سره باتع

معلقتين منه قبل البوت تخللي الهارد دسك زي الحصان


حي

....

البرنامج مع الكراك

لقيت النسخة دي للويندوز

اتفضلوا (http://depositfiles.com/en/files/570492)

مرفوعة بتاريخ 30/01/2007

استخدموا الكراك دا

الكراك (http://www.midload.com/file/2249/Active-Partition-Recovery-v5-0-build-335-CRKEXE-FFF.zip.html)

لان الكراك اللي مع البرنامج مش شغال

.

[lamhamdi81]

مشكووووووور مكانيكي كمبيوتروالله انا اريد افهم المقصود من البرنامج
هل البرنامج يعيد النظام اذا اختفى
ام يعيد الملفات
انا لا افهم اللغة المصرية كثيراااا
ومشكوووووووووووررر يا سطة هذا ما فهمت

[الناصر99]

يسلموا على الشرح
ماقصرت

[sadek57z]

شكرا لك أخي
وبارك الله فيك

[احمد زامل]

بركاتك ياشيخ ميكانيكى
ان شاء الله اجيبلك فرخه سودا بديل ابيض هديه وربنا يكفينا شر انفلوانزا الطيو

[fox_0777]

الاخ مكانيكى شكرا على الشرح اللى اصلا ملخبط
اقصد انك مش موضحه
وياريت تسيبك من الهظار فى شرح لو بجد نيتك تفيد الاعضاء
وياريت تبطل اسلوبك الغريب ده فى عرض مواضيعك
انت فى منتدى بيفيد الناس
مش عند دجال بيطلع عفاريت يا عم المتعلم المتنور
واسف لو كنت ضايقتك

[الهترك]

أأأييييييييييييييييييييي سامحه ياسطى لسه صغير ياعم فوكس المثل بيقول كل شيخ وله طريقه ودي طريقة الاسطى.
أخي الكريم:
أنا نفسي تحيرني اللغة ليس في المنتدى بل كل ماابتدعه هذا الجيل--- الله يسامحه--- من استخدام الأبجدية اللاتينية في الكتابة واستخدام اللهجات المحلية مبتورة عن أصولها مثل( ابي) والتي تعني أريد فهي أبغي ولكنها مبتورة وغيرها الكثير مما يوقعنا في حيرة .
أنتم تخطئون كثيرا في قواعد اللغة الاملاء والنحو النثر والشعر وأصبحنا نغض النظر.
لأنكم لستم أهل اختصاص فإخواننا في الإذاعة والتلفزيون هم أيضا كأنهم أقسموا أن يشوهوا اللغة.
عموما الميكانيكي من لغته وعلمه وإفاداته أحسبه متمكنا من اللغتين العربية والإنجليزية تماما ولا أزكي على الله أحدا.
وقد جلست منه مجلس التلميذ من الأستاذ لكثرة علمه وعمله ونفعه للناس الذي بات مشكورا --والحمد لله-- من معظم من قدروا هداياه اليومية.
وأدخل على مشاركاته لأتعلم منها كل يوم
ولا أجروء على نقده مثل ما فعلت أنت
ولكنه جيل لايعلم اين الحدود ولاأين يقف---- الله يسامحك

[ALANAN]

مشكور

[مكانيكي كمبيوتر]

الاخ مكانيكى شكرا على الشرح اللى اصلا ملخبط
اقصد انك مش موضحه
وياريت تسيبك من الهظار فى شرح لو بجد نيتك تفيد الاعضاء
وياريت تبطل اسلوبك الغريب ده فى عرض مواضيعك
انت فى منتدى بيفيد الناس
مش عند دجال بيطلع عفاريت يا عم المتعلم المتنور
واسف لو كنت ضايقتك











بس
===

[fox_0777]

اخى : هترك صباح الخير لانى لسه صاحى دلوقت من النوم

ولكنه جيل لايعلم اين الحدود ولاأين يقف---- الله يسامحك

اخى ممكن بقى توضحلى ايه معنى اللى انت بتقوله ده

اولا انا نقدت طريقه الشرح وليس الاخ مكانيكى نفسه
ثانيا دى حريه راى يعنى كل واحد ليه حق انه يقول رايه طبعا فى حدود الادب
وانا فى كلامى متعدتش المسموح اقراه كويس لو مخدتش بالك
ربنا يسامحنا جميعا يا اخى
انت حر تنقده او لا تنقده انت حر بس مش انت او غيرك هيخلينى
اكتب اللى على مزاجه

وأدخل على مشاركاته لأتعلم منها كل يوم
ولا أجروء على نقده مثل ما فعلت أنت

وبعدين انت فاهم الشرح بالطريقه الملخبطه دى انت حر
فى غيرك للاسف وده غصب عنهم لن يستطيعو فهم هذا الدرس الجميل
بهذه الطريقه اللى هو شارح بها الموضوع
كمان مش انت اللى هتعلمنى حدودى فين ياريت تحاسب على كلامك
انقدنى فى كلامى او مواضيعى ولكن ليس لك دخل بشخصيتى لو سمحت
وفى اخر ردى انا قلت للاخ مكانيكى

انا اسف لو كلامى ضايقك

حسبى الله ونعم الوكيل

[am-ma]

السلام عليكم

يعطيك العافيه اخي الكريم على الموضوع المهم جدا

يا ريت لو تتكرم تشرح تحت كل صوره وخطوه ماهية كل عمليه

انا بصراحه رحت للمصدر لكن الشرح في المصدر بللغه الانجليزيه

[مكانيكي كمبيوتر]

أأأييييييييييييييييييييي سامحه ياسطى لسه صغير ياعم فوكس المثل بيقول كل شيخ وله طريقه ودي طريقة الاسطى.
أخي الكريم:
أنا نفسي تحيرني اللغة ليس في المنتدى بل كل ماابتدعه هذا الجيل--- الله يسامحه--- من استخدام الأبجدية اللاتينية في الكتابة واستخدام اللهجات المحلية مبتورة عن أصولها مثل( ابي) والتي تعني أريد فهي أبغي ولكنها مبتورة وغيرها الكثير مما يوقعنا في حيرة .
أنتم تخطئون كثيرا في قواعد اللغة الاملاء والنحو النثر والشعر وأصبحنا نغض النظر.
لأنكم لستم أهل اختصاص فإخواننا في الإذاعة والتلفزيون هم أيضا كأنهم أقسموا أن يشوهوا اللغة.
عموما الميكانيكي من لغته وعلمه وإفاداته أحسبه متمكنا من اللغتين العربية والإنجليزية تماما ولا أزكي على الله أحدا.
وقد جلست منه مجلس التلميذ من الأستاذ لكثرة علمه وعمله ونفعه للناس الذي بات مشكورا --والحمد لله-- من معظم من قدروا هداياه اليومية.
وأدخل على مشاركاته لأتعلم منها كل يوم
ولا أجروء على نقده مثل ما فعلت أنت
ولكنه جيل لايعلم اين الحدود ولاأين يقف---- الله يسامحك


شوف يا اسطى

انت اسطى كبير

مخك كبير و مقامك كبير

و الكبير لازم يكون كلامه كبير

الكلام اللي بيقوله كبير و الكلام اللي بيستوعبه كبير

=========

شوف يا اسطى

احنا عند الحاج في الورشة عامل لنا في نحو الامية كورس تعليمي اسمه البلاغة

هو صحيح انا فهمي ميكانيكاوي يا دوب باعرف الكناية و الاستعارة بالعافية

بس كنت باسمع الخوجة و هو بيقول تورية و اعتمال و تضمين

و كان الخوجة بيجيب لنا نصوص ادب فرنساوي بتخللي الطيور و الحيوانات تنطق و تتكلم

بصراحة انا كنت عايز اطبق النظرية الفرنساوية دي و اخللي العفاريت تتكلم و تاخد و تدي مع الكمبيوتر

و بعدين الحاج بتاعنا متوصي بينا قوي عامل لنا مكتبة انما ايه تسد عين شمس و القاهرة و اكسفورد

فانا كان الحاج دايما يجيب لي كتب مخصوصة غير العيال الاسطوات اللي معايا

انا قريت كتب الطب الميكانيكي في مكتبة ورشة الحاج

======

انا مش عاوز الف و ادور كتير

العيال كانوا بيطفشوا علشان كانوا بيتعلموا من كتب الورشة

و انا اتعلمت من كتب القصص

يعني اتعلمت الهندزة من كتب القصص

و كنت عايز ادوب الموضوع في قصة

الكبار هم اللي فهموها

=====

شوف يا استاذ الهترك

المرة الجاية ان شاء الله

الموضوع ها اشرحه بطريقة عبد الرحمن الابنودي

و اللي عايز ييجي يجيب الربابة معاه

[الهترك]

ياسطي اشرح عل كيفك عايز نجيب ربابة هانجيب ياسطى قفه نشيل فيها وماله ياسطى المهم تستني معانا
وعشان خاطري أنا ياسطى عيد الشرح الجمهور مبسوط وعايز يسمع ويفهم على مهله ولاتنسى الهوامش يعنى حته عن الماستر بوت ريكورد وحته عن الأكتيف بارتشن ومعلهش ياسطى شوية كمان في ابو زيد (أمال الربابة عشان ايه ياسطى حضرنا الربابة انت قول).
واقعد يافوكس اسمع وماتزعلش كلنا عايشين في عالم السايبر لاحد شايف حد ولاحد عارف حد كله خيال في خيال يعني مافيش حاجه شخصية وانت وأنا والأسطى وناس طيبين كتير هنا بيشتغلوا لوجه الله ومايستاهلوش غير الطيب ياطيب..... بعدين القول الله ينور ياسطى ياسلاااااااااااااام عيد من تاني عشان نتكيف ياسطى. أو زي ماناصر 99 قال بالفلسطيني الجميل -- يسلموا--

[tazko]

عيلة تايهة يا ولاد الحلال

دا اسم السيمفونية الطارشة للفنان احمد عدوية
هارد دسك معمول له عمل على ديل حوت
الحوت ضرب بديله في بحر الصين راح الهارد دسك و اللي عليه في ارياف وجه بحري
حد يعرف شيخ كويس بفك العمل دا يا ولاد الحلال ؟
======
الاستاذ الهترك عايزني اقلع العفريتة و البس بالطو ابيض
انا ها اريحه و اقلع العفريتة
بس عارفين ها البس ايه ؟
من آخره كدا ها اعمل فيها شيخ و ها اطلع الاعمال المعمولة للكمبيوترات
الواد بلية عصيته على المعلم و الوقتي بيشتغل دلال للشيخ شمهورش
و دي اول عملية فك عمل لكمبيوتر معمول له سحر على ديل حوت
=====
قاعد و حاطط منقد النار و كلبوش على دماغي و دقن عيرة و باحط البخور على النار
حي
نادي يا بلية على المسحور الاولاني
====
بركاتك يا سيدنا الشيخ
انا كنت بافرمت الجهاز داهو و بعدين ما اعرفش زي ما يكون ركبه الف عفريت
لا هو راضي يركب الويندوز و لا عارف ارجع الويندوز اللي قبل كدا
هي الست ام حنفي جارتنا منها لله
=====
شوف يا كمبيوترجي
الاسياد عايزين الطلبات تيجي في 3 ساعات
رام بسنة بيضا على سنة صفرا و هارد بشنب اسود زي الليل فيه شعرة واحدة برتقالي و بور سبلاي مصنوع في حارة عطوة في غرب لاهاي
ان ما جاتش الطلبات في 3 ساعات عوضك على الله و اعتبر الكمبيوتر مات
==
بس يا مولانا ازاي اجيب كل الطلبات في 3 ساعات
خلاص ادفع للاسياد ها يجولك اوام من بغداد و ها يعملوا لك المطلوب و يتحقق المراد
===
دفع الزبون بالتمام الالفين جنيه و تعالوا معايا اقول لكم انا عملت ايه


شكرا أخي العزيز مكانيكي كمبيوتر على البرنامج الرائع

تحياتي :)

[الاستاذ/ابراهيم]

مشكور الاخ علي الشرح الرائع ولكن لدي رجاء اعد الشرح من البداية

[S U L T A N]

يسلموا على الشرح
ماقصرت
الله يزيدك من علمه

[احمد زامل]

تحياتى للثلاثى المرح اللى بيدو شكل جميل و معلومات هامه

ميكانيكى كمبيوتر و تازكو والهترك

ثلاثى خط الهجوم وخاصه الفرود ميكانيكى كمبيزتر

[الهترك]

تسلم يا احمد ياإسم غالي كلك ذوق ---- وفيزيا على كلام الاسطى

[مكانيكي كمبيوتر]

تحياتى للثلاثى المرح اللى بيدو شكل جميل و معلومات هامه

ميكانيكى كمبيوتر و تازكو والهترك

ثلاثى خط الهجوم وخاصه الفرود ميكانيكى كمبيزتر



الله على الفهم اللي بيريح صاحبه

الفاهم بيستريح و بيريح اللي حواليه

ها تقعده في المدرجات ها يشجع اللعبة الحلوة بدون تعصب

ها تمسكه صفارة ها يحكم و هو مستريح لانه فاهم

ها تقعده على دكة الاحتياط ها يسخن قبل ما المدرب يطلب منه

لانه فاهم و واعي فهو عارف امتى يقول و امتى يشوط

===

لكن اللي ما بيعرفش بيقول ايه ؟

بيقول عدس

====

شكرا يا فيزياوي

انت اللي عاجبني في القعدة دي كلها

[Tailed]

السلام عليكم
أخي الكريم ميكانيكي
جزاك الله خير على الشرح..
الذي أراه واضح...
لكَ طريقة مميزة في الطرح..
أدام الله لكَ هذه الروح
في حفظ الكريم

[احمد زامل]

الله على الفهم اللي بيريح صاحبه

الفاهم بيستريح و بيريح اللي حواليه

ها تقعده في المدرجات ها يشجع اللعبة الحلوة بدون تعصب

ها تمسكه صفارة ها يحكم و هو مستريح لانه فاهم

ها تقعده على دكة الاحتياط ها يسخن قبل ما المدرب يطلب منه

لانه فاهم و واعي فهو عارف امتى يقول و امتى يشوط

===

لكن اللي ما بيعرفش بيقول ايه ؟

بيقول عدس

====

شكرا يا فيزياوي

انت اللي عاجبني في القعدة دي كلها

فعلا اللى ما يعرفش يقول عدس

دا شرف كبير لى والله انى اكون ضمن الصبيان بتوعك يا اسطى

و اشكر الاخ هترك والاخ تازكو لتانى مره

[النسر الكاسح]

الله على هذه المقدمة الرائعة

مقدمة تنم عن ثقافة أدبية و مجتمعية و علمية

و كل ذلك في مزيج فكاهي شعبي ساخر يذكرنا بعباقرة الأدب فكري أباظة و من هم على شاكلته

و لا غرو أن هذا الصنف من الأدب بحاجة إلى ثقافة موسوعية تسانده و تعاضده و تنتجه

و لا غرو أيضا أن هذا الصنف من الأدب يصعب فهمه على من لا يتعاطى الثقافة من منابعها و مواردها الكثيرة

يزداد إعجابي كلما قرأت لك

من مقدمة زجلية منغمة إلى مقدمة شعبية فكاهية ساخرة تلمس جوانب كثيرة و تجارب متنوعة في فروع شتى بعبارة وجيزة إلى برامج تكاد تكون في ركن خفي تظهرها لنا


شكرا أخي الكريم على إسهاماتك الثرية

[concorde]

الله يكرمك يا غالي تحيااااااااااتي

[ramadan_net]

مشكور اخى ميكانيكى

[أسير^الأحزان]

شكرا عزيزي وما قصرت
شرح أكثر من رائع

بس بغيت منك طلب اتمنى ماتردني
ياريت - بعد اذنك طبعا- الشرحات القادمة الكلمات الرئيسية (الرئيسية فقط التي يرتكز عليها الشرح ) تكتبها بالعربية ليس الفصيحة وانما تكفي الكلمات المتعارف عليها )
خاصة لما تدخل بالشرح الجاد (المقدمة والخاتمة خذ راحتك باللغة اللي تفضلها :) )
انا افهم اللغة المصرية اللي اشوفها بالتلفزيون ^_^
لكن مافهم اللغة المصرية الشعبية

وبالعكس طريقتك بخلط الجد بالفكاهة جدا لطيفة ومميزة
واشرح يا استاذ بالطريقة اللي تعجبك ^_^

مشكور عزيزي لسعة صدرك
والله ينورك أكثر واكثر

[مكانيكي كمبيوتر]

مساء الفل على كل اللي جايين و اللي رايحين المبسوطين و الزعلانين

و احنا في ورشتنا ما نحبش نزعل حد مننا ابدا

بصوا يا رجالة في للصورة دي
http://up4.w6w.net/upload/07-03-2006/w6w_2006030717324959467a84.JPG


بص يا اسطى و ركز في صورة الهارد اللي تحت

متقسم كام جتة ؟ 4 حتت

بدون حلفان و انا عارف ان المعلمين جدعان

ها احكي شوية عن الهارد دسك دا يا رجالة

الهارد دا كان في جهاز الماذر بورد بتاعته ودعت الحياة و هي شابة

كانوا عايزين يضحوا بالجنين علشان خاطر الام

بس للاسف ضحوا بالجنين و الام و الدكتور و المستشفى بس علشان خاطر مين ؟ مش عارف

المهم اللي نجا من الزلزال الهارد المسكين دا

كان متقسم 4 حتت

بس عملنا له تقسيم من جديد و قسمناه 3 حتت

و فرمتنا كل البارتيشن التلاتة

المهم ركبنا عليه نظام تشغيل من لاينوكس اسمه XANDROS لزوم نحو الامية الكمبيوترية في المجتمع الميكانيكاوي

المهم يا معلمين الواد بلية دا عامل زي الوسواس كل شوية يرمي فتيل بيني و بين الحاج

قال للحاج انه كان دخل على غفلة و حط كام اغنية للست المظ على الهارد دا قبل ما نلغي البارتيشن و نقسم من جديد و نفرمت و قال له انه كان ركب برنامج بيحكي عن النموذج الامريكي للعدالة على كوكب المريخ

ما هو اصل الحاج بتاعنا امريكاوي للنخاع

لقيت صوت الحاج بيجلجل في وسط الورشة و بيقول الهارد لازم يرجع زي ما كان

قسمته ما قسمتوش برتشته ما برتشتوش انا ما ليش دعوة

انا عايز اتفرج على البرنامج و خلاص

====

انا شيلت المبرد و الاجنة و المشحمة و علبة سولار و حتة ستوبة و دخلت على التزجة

نزلت البرنامج مرة تانية

لقيت نسخة آخر حلاوة

اسحب الملف من هنا (http://depositfiles.com/en/files/570492)

( عدلنا الرابط بتاريخ 30 / 01 / 2007 )

في الويندوز ها تفرمت فلوبي و تحط عليه ملفات النظام

و بعدين تنزل الملف و تفكه و تنسخه في الفلوبي

تشغل الجهاز بالفلوبي زي انا ما عملت بالضبط و رجعت البارتيشن اللي كانت تاهت

و انا باشتغل بالبرنامج شفت البارتيشن المستخبية و شفت جواها المجلدات

====

زبدة الموضوع

انت تجهز الفلوبي لوقت الطوارئ

لو حصل و راحت منك بارتيشن شغل الجهاز بالفلوبي و رجع البارتيشن

و الصور في الموضوع واضحة جدا

و الاوامر المفيدة بتلاقيها مكتوبة على الشاشة في كل صفحة

و ساعة الخروج من البرنامج بيسالك لو عايز تحفظ التغيرات

حفظت التغيرات و آهو شفتوا 4 بارتيشن بدل التلاتة

========

و بالصلاة على النبي كدا ممكن نلم كل اللي احنا عايزينه


بس كله بيتوقف على الاسطى

[الهترك]

اسطى ياسطى

[السلطان 2]

يعطيك العافية أخوي

[tassmem]

اسطى ياسطى
:) :) :)

[الاستاذ/ابراهيم]

مشكور الاخ ميكانيكي علي كل المشاركات الجميلة والميدة لجميع العضاء واصبحت استبشر باسمك خير ولكن لدي سؤال صغير في برنامج active@partition recouvry
اولا ارجوالتوضيح بالضبط علي اي مفاتيح اقوم بالضغط في هذه اصورة http://www.q8start.com/uploads/4ed82dca12.bmp (http://www.q8start.com)

ما الفرق بين الصورتين
http://www.q8start.com/uploads/0e658ca2a2.bmp (http://www.q8start.com)

والصورة التالية ويبدوان مثل بعضهما تماما
http://www.q8start.com/uploads/9a6ad942f4.bmp (http://www.q8start.com)

[الاستاذ/ابراهيم]

مشكور الاخ ميكانيكي علي كل المشاركات الجميلة والميدة لجميع العضاء واصبحت استبشر باسمك خير ولكن لدي سؤال صغير في برنامج active@partition recouvry
اولا ارجوالتوضيح بالضبط علي اي مفاتيح اقوم بالضغط في هذه اصورة http://www.q8start.com/uploads/4ed82dca12.bmp (http://www.q8start.com)

ما الفرق بين الصورتين
http://www.q8start.com/uploads/0e658ca2a2.bmp (http://www.q8start.com)

والصورة التالية ويبدوان مثل بعضهما تماما
http://www.q8start.com/uploads/9a6ad942f4.bmp (http://www.q8start.com)

[PrinceOfLibya]

مشكور اخى الكريم على البرنامج..والشرح..
ولكن..أفتقدنا بشكل واضح " النظرة العليمة" للموضوع ولعدد كبير من مواضييعك

لاشك فى ما تقدمه وتساعد به خير امر طيب ونُشجعك عليه..

ولكن..لايُمكن "ياهترك" أن تتظمن مقالات وموضوعات لمنتدى مختص فى عالم الكمبيوتر
لغة شعبية وبهذا القدر من الافراط..مقدمة طويلة عريضة وخارجة عن أساس الموضوع.........!

اتمنى أن تُعيد النظر فى طريقة طرحك للمواضييع...وليكُن أسلوبك هادف وعلمى وفى الطريق الصحيح

ولك منى خالص التقدير والمحبة...

واطيب المنى للجميع ....

[مكانيكي كمبيوتر]

مشكور اخى الكريم على البرنامج..والشرح..
ولكن..أفتقدنا بشكل واضح " النظرة العليمة" للموضوع ولعدد كبير من مواضييعك

لاشك فى ما تقدمه وتساعد به خير امر طيب ونُشجعك عليه..

ولكن..لايُمكن "ياهترك" أن تتظمن مقالات وموضوعات لمنتدى مختص فى عالم الكمبيوتر
لغة شعبية وبهذا القدر من الافراط..مقدمة طويلة عريضة وخارجة عن أساس الموضوع.........!

اتمنى أن تُعيد النظر فى طريقة طرحك للمواضييع...وليكُن أسلوبك هادف وعلمى وفى الطريق الصحيح

ولك منى خالص التقدير والمحبة...

واطيب المنى للجميع ....


نرجع مرة تانية

تسمع عن حاجة اسمها Conformal Mapping ؟

[مكانيكي كمبيوتر]

قال الكلمتين و فص ملح و داب

شوف يا جزيرة نت

انت عايز ايه بالضبط ؟

انت لو عايز شرح باللغة الفصحى ها اخليك تحتاج لسان العرب معاك دايما ما تقدرش تفارقه

و لو عايزها باللغة الانجليزية ها ارص لك الموضوع 10 او 20 صفحة بلغة انجليزية ما تخرش المية

و لو عايزها بلغة علمية ها اكتبها بلغة علمية يتخض منها دكتور مهندس

بس كل دا و نقول كل شيخ و له طريقة

احنا مش قاعدين في سكشن ميكرو ويف او معمل دواير كهربية

احنا بنتعامل مع كل ترددات الطيف في المعرفة و الفهم و الالسنة و الثقافة

و فيه اللي بيحب عبد السلام النابلسي و فيه اللي بيحب حسين رياض

ما حدش قال لعبد السلام النابلسي ابقى حسين رياض و لا لزينات صدقي تبقى فاتن حمامة


اللي انت شايفه طبقه في نفسك انت

و اللي انا شايفه باعمله


يا استاذ كل كلمة باكتبها انا عارف ضاربها في اي اتجاه

و الكلام اللي انا باكتبه له جمهوره اللي راضي بيه

و لو كنت عايز نقلبها فصحى واضح انك ها تكون من اوائل المتضررين معايا انا بالذات

لاني ها امسك لك على الواحدة من املاء لاعراب فاعل و مفعول و تقديم و تاخير و نقد و بلاغة

و لو عايز نقلبها لغة علمية ها ادخلك في حواري تشيبيشيف و ها الففك حوالين دايرة مور و ها اتوهك في مزانق دايرة سميث و من احتمالية هايزنبرج ها ادخلك سويتش جير ما فيش فيه بروتيكشن و ها اخليك ما تعرفش تفرق ما بين كارنوف ماب و ليبيا ماب و ها اخليك ما تقدرش تفرق اذا كنت في غابات السافانا و اللا في مجالات كهرومغناطيسية

===

نرجع تاني و نقول

لولا تقشير البصل و البطاطس ما كانش الاسطى عبده قدر يفهم الكونفورمال مابنج

و مش غريب انك تعمل توليفة كلام تخلط علوم الكمبيوتر بالميثولوجي

او تربط قانون كيميائي بالسيسيولوجي



جزيرة نت حبيبي

عرفت الاسطى و اللا لسه ؟

فارجوك خليك بعيد على راي عبد الحليم حافظ

.



قل لي بقى انت عايز ايه ؟

دي المرة التانية اللي بتتدخل بيها المدخل دا

[ramahi]

sorry to write in english , becuase I'm using my labtop now,

COOL JOB Mechanic

keep them coming .

Thanks

[sbl594]

اشكرك على هذا الطرح المميز والاسلوب الفكاهي الواضح واللي يوسع الصدر .. يعني اضحك واتعلم .. زي الاسلوب الامريكي الفعال اللي يقول اشتغل وانتا بتلعب ..

[helmy202]

دستور ياسطى !!العفو والسماح. دة انتة بالبرنامج دة جبتلى التايهة . انا من فترة دخلت ببرنامج بيعمل كولون ديسك علشان اهمية المعلومات اللى فى الهارد وقلت اهو يبقى عندى كولون على السريع .وعليها داب الهارد فين ؟؟؟ معرفش! البرنامج دة جابو حولعلك دستة شمع من بتاع برة.وخلى اللى يقول يقول واللى مش عاجبة كلامنا يسمع موالنا وبعدها نسمعة ياما دقت على الروس طبول (عارف مين صاحب الموال دة يا شيخ؟)

[مكانيكي كمبيوتر]

اشكرك على هذا الطرح المميز والاسلوب الفكاهي الواضح واللي يوسع الصدر ..

يعني اضحك واتعلم ..

زي الاسلوب الامريكي الفعال اللي يقول اشتغل وانتا بتلعب .


.


فيه ناس ها تغير رايها بسبب الكلمة دي

ما دام اتقال امريكان فيه ناس ها تلف 180 درجة


انما يعملها الميكانيكي فيه ناس بتزعل


يا اساتذة

اما تشد انتباه واحد بنكتة و تضرب له مثال بسيط يفهمه الميكانيكي و الدكتور

و بعدين تقوم جايب صورة المثال دا و تلزقها جنب صورة المسالة الصعبة و تقارن بينهم بيبقى التقبل عالي


بس تعمل ايه للي عايز الحساب 2+3 و بس

و ما يعرفش انه ممكن تنمي موهبة الرسم و انت بتدرس الحساب

او تفصص حكايات التاريخ على نغمات دو ري مي

او تعالج قضايا فقهية و انت بتدرس المنطق الرياضي

و اوعى حد منكم يتكلم عن المنطق الصوري احسن يحسبوه من الزنادقة



ايه راي الرجالة انا ناوي اشتغل بتاع بساتين

اخضر عنب و ورد بلدي

و ها اسيب شغل الميكانيكا اللي ما فيش حد عايز يفهمه


.

[PrinceOfLibya]

ولله فى خلقه شؤون... :)

أطيب المنى للجميع

[مكانيكي كمبيوتر]

دستور ياسطى !!العفو والسماح. دة انتة بالبرنامج دة جبتلى التايهة . انا من فترة دخلت ببرنامج بيعمل كولون ديسك علشان اهمية المعلومات اللى فى الهارد وقلت اهو يبقى عندى كولون على السريع .وعليها داب الهارد فين ؟؟؟ معرفش! البرنامج دة جابو حولعلك دستة شمع من بتاع برة.وخلى اللى يقول يقول واللى مش عاجبة كلامنا يسمع موالنا وبعدها نسمعة ياما دقت على الروس طبول (عارف مين صاحب الموال دة يا شيخ؟)


دستورك معاك يا خواجة

و الله يا خواجة لو تقول لنا شوية في موال الصبر

و ربنا يصبرنا

و قول لنا شوية على الربابة

بس قول لي يا اسطى

يا ما دقت ع الروس طبول ........... دا يبقى موال الشيخ زغلول ؟

نورنا يا اسطى

اصل جبهة الصمود و التصدي عاملة جبهة رفض اليومين دول

و عاملة تشويش على مراكز التفكير عندي


الله يرحمه انور

.

[helmy202]

[QUOTE=

يا ما دقت ع الروس طبول ........... دا يبقى موال الشيخ زغلول ؟




.[/QUOTE]
دة يا عم الشيخ ميكانيكى موال قديم بتاع عطيات حسين اللة يرحمها ويبشبش الطوبة اللى تحت راسها كانت صاحبة كازينو الامباسادير على البحر فى اسكندرية.

[helmy202]

صبح يا سطى .الصراحة ياسطى الموضوع دة عاوز شوية شرح زيادة ودة ياسطى بالاصالة عن نفسى وبالنيابة عن بعض المشاغبين . روح ربنا ينولك بنت بخاتى والمشاغبين يغنولك الموال فى الزفة

[helmy202]

تم بحمد اللة تغير التوقيع علشان خاطرك وخاطر المعلم الكبير

[ayax66]

أنا من قلب مصر المحروسة وبلدنا العزيزة بريئة من مثل هذه اللغة والله أنا منا فاهم اي شيئ أنا عندى البرنامج وعندى هارد 80 ضاع منه الماستر بوت ولا يعمل نهائيا سوي اسليف مهما غيرت فى الجنابر وعملت معاه فهل هذا البرنامج يفيد لأنى فعلا حولت ولم انجح ياريت شرح كويس من ا نيسان ينوي فعلا افادة الغير

وحرام وبلاش سخرية من عقولنا

[مكانيكي كمبيوتر]

أنا من قلب مصر المحروسة وبلدنا العزيزة بريئة من مثل هذه اللغة والله أنا منا فاهم اي شيئ أنا عندى البرنامج وعندى هارد 80 ضاع منه الماستر بوت ولا يعمل نهائيا سوي اسليف مهما غيرت فى الجنابر وعملت معاه فهل هذا البرنامج يفيد لأنى فعلا حولت ولم انجح ياريت شرح كويس من ا نيسان ينوي فعلا افادة الغير

وحرام وبلاش سخرية من عقولنا


يا اهلا و سهلا بالاستاذ

يا راجل انت من قلبها

و انا من قلبها و عقلها و باجري جوه دمها

اسمع يا استاذ

اللغة دي و مفرداتها كل فلاح ريفي زيي بيعرفها

انت راجل ممكن تكون من مدينة

بس انا ريفي و ميكانيكي و لغتي على قد حالي


و المقدمة اللي انا بدات بيها الموضوع دي ممكن تقراها في كتب الادب

ممكن تقراها عند يوسف ادريس او يوسف القعيد و مش عايزين نقول يوسف الشاروني

ممكن تقراها عند جمال الغيطاني او تقراها في لوحات جمال قطب او في ادب محمود مختار الحجري

و تعمل بيها اسقاط في عالم الكمبيوتر

الناس اللي عندهم وعي ثقافي اتناقشوا معايا في المقدمة دي و لفينا جوانبها و قطعناها نقد

لما اتناقشنا و اخدنا و ادينا في الكلام ذهلوا من الاسقاطات اللي بينتها في جلسات المناقشة

طبعا صعب ندخل في نقاشات مكتوبة ها تكون صعبة جدا و الكلام مش ها يكون متواصل بالقدر الكافي

===

مش دي القضية

خليك معايا شوية و قول بسم الله الرحمن الرحيم

==

انا عايز اركز على نقطة مهمة جدا جدا جدا جدا

الهارد بيشتغل ... يبقى كدا تمام

لكن بيشتغل سليف ... هنا بقى نقف انتباه

يعني ايه بيشتغل سليف بس ؟

ما دام بيشتغل يبقى لازم يشتغل على اي شكل ماستر و سليف


لكن انا شاكك في نقطة يعني ممكن تكون هي لب الحكاية و الرواية


هي كلمة بيشتغل سليف انت بتعني بيها انك ما بتقدرش تركب عليه ويندوز ؟

ممكن

هنا عايز اقول كلمة مهمة جدا

الهارد اما بتيجي تقسمه و عايز تحط عليه نظام تشغيل يبقى لازم يكون فيه بارتيشن برايمري بيسموها الاسطوات Primary DOS Partition و الجزء التاني بنسميه Extended و دا بنقسمه لدرايفرات منطقية Logical Drives

نرجع نقول : : لازم يكون موجود برايمري بارتيشن علشان تعرف تركب ويندوز على الهارد

تعالى بقى نشوف حاجة تانية

فيه برامج اليومين دول ممكن تستخدمها في تقسيم الهارد

و بيكون الخيار الاولاني Logical فممكن تكون بتستخدم برنامج زي دا و بتعمل كل البارتيشنات Logical و في الحالة دي تبقى راحت عليك فرصة انك تحط نظام تشغيل على الهارد اللي انت قسمته بالشكل دا


دا تصوري المبدئي حسب الكلام اللي انت قلته

و متظر اسمع منك و ناخد و ندي في الكلام

لغاية ما نوصل لقرار المشكلة


==

على فكرة

لو جبت ديك شركسي جناح احمر و جناح ازرق انا ممكن افك العمل اللي معمول للهارد بتاعك



يا راجل

اضحك و ابتسم تتفك معاك كل عقد الدنيا

.

[mowafak]

تشابكت الآراء

وتلابشت الأمور

وضاع المفيد

[helmy202]

لو ياسطى الجهاز مافيهوش فلابى يبقى اية البديل؟؟

[مكانيكي كمبيوتر]

لو ياسطى الجهاز مافيهوش فلابى يبقى اية البديل؟؟


البرنامج موجود في اسطوانة هيرنز

.

[helmy202]

البرنامج موجود في اسطوانة هيرنز

.
تشكر ياسطى معلش العتب على النظر

[ahmdatef]

جزاك الله خيرا على الشرح الأكثر من رائع