شباب ابي منكم المساعده

[نادين]

شباب ابي النصيحه منكم بس بالصدق عاد

ناويه اشتري كمبيوتر وبصراحه دايخه مادري ويش اخذ ابيكم تنصحوني بأفضل
جهاز فالباعه كل واحد يقول عندي الافضل وما يهمكم الثمن

بس اهم شي تفندون لي القطع ويش اخذ

يعني المعالج .... سرعة الرام... ابي رايتر... اسكنر.... فاكس مودم.... كرت الشاشه..... كرت الصوت.... يعني هذا اللي فهمته من الباعه بس كل واحد يقدم نصيحه منهم وتعرفون الوحده تخاف تتوهق ويطلع الافضل بعد يومين وتموت قهر

والطابعه تنصحوني بأيش اخذ وخصوصا اني اعمل ابحاث للمدرسه وتتضمن صور

شكرا لكل من يقدم لي المساعده..... تكفون ناطره

[نادين]

وينكم مااحد بيرد

علي يعني اروح

اشتري اي جهاز

ياهل الخبره

جاوبوني

تكفون:( :( :( :( :( :( :(

[جامبو]

اشتري
معالج Intel Pentium 4 سرعة 1000 رام 128

[مروان الصاعدي]

أقلك رأيي , بس بشرط , تزورين موقعي وتوقعين في سجل الزوار !!! تمام ؟

بكل صراحة أنا اشتريت جهاز قبل أيام , وإلى الآن لم استعمله , لأني مشتريه للموقع وبمواصفات خاصة .

المهم خذي نصيحة أخ ,,,

السرعة 1500

والباقي كله 256

رام _ كرت شاشة _ كرت صوت

هذا على كلامك ( ماعليكم من الفلوس ) والفارق ما هو كثير مرة .

المهم خذي من هالثلاثة خاصة أحسن مواصفات لإن كل يوم تطلع مواصفات جديدة ( قولي للبائع )

وأهم شي الرام

والهارد دسك

والسي دي رايتر ( ال جي ) عندي ممتاااااااااز جداً

وغيري يمدح الـ ( اتش بي )

والفاكس مودم ( خارجي ) أسرع أكفأ وغالي شوية

شاشة على ذوقك ,,, ال جي و سامسونج = أناقة
وشاشات إيسر عملية

طابعة ( اتش بي ) عملية , ويوجد أنواع عملية وسريعة بس جداً جداً غالية .
والليزر سريعة جداً بس بدون ألوان


ونصيحة مني (( لاتنسينها خمسة وسبعين سنة _ الله يعطينا طول العمر والسعادة _ وهي : أتركي الخوف والتردد وعدم الثقة في النفس جانباً , فهي اللي ذبحت العرب ))


أرجو إني مانسيت شي ,,, وسامحينا على التقصير والاستعجال

[كيف وليش]

حسب اللي جربته ومر عليّ : أن سرعة الجهاز ليس لاها دور لهديك الدرجة.
قارنت بين سرعة 500 و 1200 ووجدت نفس السرعة.
الظاهر أن المشكلة من شركة الإتصالات نفسها ( طبعا أنا أحكي عن اللي في السعودية ) .
بس مانجي نقارن بين جهاز سرعته 15 وثاني سرعته 1000

أهم شي يكون المعالج إنتل أصلي والأفضل تكون سرعته أكثر من 1000 لأن السرعات وصلت الآن حدود 2000 .
كرت صوت يكون من النوع اللي يقبل تشغيل المايك والسماعات سوى ، في بعضها سماعات بس بدون مايك .
هارديسك لا يقل عن 20 جيجا
باقي الكروت مثل ماقال الأخ الصاعدي .
الرايتر والسي دي روم : LG حلوات ومابيشكو من شي .

ولا ننسى : المذر بورد تكون جيجا أصلية .
والفاكس مودم الخارجي أفضل ويكون روبتكس.

الإكسسوارات حلوة الواحد يكشخ فيها قدام نفسه : يعني شاشة سامسونج حلو تكون 17 بوصة مع واقي إشعاعات وسبيكرات شكلها مميز .

خدمة التوصيل للمنازل متوفرة لدينا :rolleyes: وفي حال انشغال المسنجرات يرجى معاودة فتحها مرات أخرى .

كيف نخبي حبنا والشوق فاضح ؟
.............................وفي ملامحنا من اللهفة ملامح
ليش مانحب اللي يحبونا......... ونبادلهم الإحساس؟
ترى اللي يحب من يحبه ...........يملك جميع الناس

كيف و ليش ؟

[SHAM]

http://gomanah.jeeran.com/images/ctx.jpg
اخواني ابغاكم تشوفون مواصفات جهازي ,,واذا فيه اي قطعه تشوفون فيه افضل منها علموني اغيرها,,لو سمحتوا
تحياتي لكم

[نادين]

الاخوان كل من

جامبو


مروان الصاعدي


كيف وليش


شكرا لكم جميعا على ابداء المشورة لي .

اخي مروان الصاعدي تقصد
ان كرت الصوت 256وكرت الشاشه256هذا هو اسمه كذا ولا فهمت غلط وبعدين عطني رابط موقعك ومن عيوني ازوره لا من الانتر نت:) :) :) :)


gomanah اخوي مافهمت تقصد ان مواصفات جهازك الافضل حاليا في السوق واذا كان كذا ياليت تكتبلي المهم حتى اقدر اتفاهم مع البائع فأنا تراوالي شايفه صوره مو كتابه وفيها حتى الاسم والبرنامج ويندوز اكس بي0 اذا ماكنت غلطانه

شكرا لكم جميعا وياليت ماتبخلوا علي بالنصيحه

[فارس]

اختي نادين المواصفات المذكورة حلوة

وبصراحة الاخت جومانه مواصفاتها قمة

نادين اذا كنتي من الغربية
لايفوتك المعرض في جدة فيه مواصفات حديثة وروعة
امس كلمني واحد هناك بجد هناك مواصفات روعة واعتقد انها فرصة لان صعب تنزل في السوق قبل سنة او سنتين وهي فرصة اللي عندهم المعرض

[crazy]

السلام اخت نادين
انشالله افيدج بهالمعلومات بصفتي صاحب محل كمبيوتر
1- المذربورد وهي القطعه الرئيسيه في جهاز الكمبوتر ويفظل يكون نوعها انتل اورجنال وما يكون (بلت ان) يعني ما يكون كرت الصوت او الشاشه راكبين عليه لانه عند حدوث احتراق لاحد هذهي القطعتين يتاثر المذربود اما اذا كان ليس ( بلت ان) تقدرين تغيرين القطعه التالفه .
2 - السرعه تكون 1500 وطبعا بانتيوم 4 ويكون انتل امريكي
3- الرام يكون 256 ويكون قطعتين 128 يعني 128 + 128 = 256 ويكون امريكي
4- كرت الشاشه يكون 32 ويكون نوعه (تي ان تي) والاخ اللي كاتب 256 ما اعتقد اخوي انه في كرت شاشه 256 :)
5 -كرت الصوت يكون كريتف فيبرا 128
6-كرت الفاكس مودم عندج نوعين يمدحون فيهم كريتف و( يو اس روبوتكس ) وانا من ناحبتي افظل ال ( يو اس روبتكس) لانه من اتصال واحد يشبك على خط الانترنت
7-السيدي روم ويكون سرعته 58 ونوعه ( سي تي اكس )
8- مشغل الفلوبي ومو شرط ماركه لانه كله متشابه
9- الشاشه تكون LG فلات والسماعات ملتيميديا وحجمها 17 انش
10-الطابعه وتكون HP 960 C واذا اكبر من هالرقم يكون افظل بس انا افظل هالنوعيه لانها تطبع 14 ورقه ملونه في دقيقه واحده
11 -سكنر ويكون نوعه ايسر 3300 وصلته من نوع ( يو اس بي )
12 - اذا تبين سيدي رايتر فانا افظل نوعيه HP وسرعتها 24 في 12 في 40

وانشالله ما اكون نسيت شي من المواصفات واذا في احسن من هالمواصفات فاضيفيها
وانشالله ما نكون قصرنا معاج
:) :)

[crazy]

احم
نسيت اضيف الهارديسك واهو مهم
13- الهارديسك يكون نوع كوانتوم 40 جيجا بايت ويكون سرعه قرائته 7400


وبالنسبه للاخت جمانه

اختي هذي مواصفات الوندز مو مواصفات الجهاز بس اللي مذكور السرعه 1600
والباقي كلام عن اصدار الوندز XP
وهذا الوندز عاملنا مشاكل كثيره بصراحه ونصيحه انج تبدلينه الى وندز 98 الاصدار الثاني انا افضله كثيرا

وانشالله افدناكم
:) :)

[SHAM]

شكرا للجميع

اخت نادين,,, المواصفات اللي عندي ليست ارقى الموجود ,,لانه كل يوم فيه جديد لكن انا مهووسه بتتبع الافضل ,,
لكن رايي تاخذين احتياطاتك فمثلا القرص ليش تاخذين مثلا سعة 20 والقرص الجديد سعة 100 جاي بالطريق قريب جدا ,,لكن لو اخذتي 60 رغم ان الفارق المادي موكثير بيكون القرص عندك رائع ,
نرجع للذاكره ,,ماذا لو فكرتي الان او بعدين تركبي الاكس بي وعلى الاقل يحتاج ذاكره 128 ,,طيب لو حطيتي اعلى ذاكره برضه الفارق المادي بسيط بين الذاكرتين ,,
اما بالنسبه للمودم فعندي جهازين الاول عليه روبوتكس والثاني زووم وبصراحه الزووم افضل وانصحك به بشده لانه يفرق حتى بالسرعه وانا مجربه الاثنين
الزوم افضل افضل
اما الرايتر فانا استعمل ياماها ولا اقول انه الافضل لكن من ركبته ما حصل مشكله منه ولا مره
اخوي كيف وليش نعم السرعه ماتفرق الان لكن ماذا لو فتحت شوي شركة الاتصالات هنا سيكون للسرعه دور وزي ما قلنا ناخذ الاحتياطات مره وحده ونستريح
,,,,,,,,,,,,,,,,,,,,,,,,,,,,,
اخوي crazy
نعم اللي عندي الاكس بي بروفيسنال عربي مو معرب
اما قولتك غيريه فاسمح لي اخا لفك تماما ,لانه اروع نظام اشتغلت عليه بس مشكلته انه يحتاج جهاز قوي ,,يعني اذا لقى جهاز قوي انطلق ولا اروع اذا ركب على جهاز ضعيف خربه وصار كله مشاكل
تحياتي للجميع