|
|
|
شبكة المشاغب ا برامج ا دليل المواقع ا مجلة المنتدى ا إستضافة مواقع ا دروس مفيدة ا المكتبة الالكترونية ا مركز تحميل المشاغب |
18-04-2009, 05:49 PM
|
#1 | |||
|
عضو ماسي
     تاريخ التسجيل: Jun 2006
المشاركات: 13,312
|
تصليح الفلاش ميموري --كلام نهائي--نسخه منقحة و مختصرة
  تصليح الفلاش ميموري ـ كلام نهائي I - مقدمة ( غير مهمة ) يااااااااااااه  واحد هيقولي مالك يا بني ؟ و في حد يبدا الموضوع ب ياااااااه  هقوله أصل كده الموضوع بتاع الفلاشات بقاله سنه كامله  و الموضوع ده كان أول خلفتي  ـ قصدي كان موضوعي الاول في المنتدي و كل المنتديات الصراحة و طبعا انتوا عارفين معزة الولد البكر  بقالنا سنه في الموضوع ده و مش عاوز أقولكم السنه دي عدت عليا ازاي ؟ أيوه بالظبط عدت عليا كانها سنه  ـ عموما رايت بعد سنه من الموضوع انه لابد من عملية تجديد شاملة أحاول أضع فيها معرفة السنة دي و أضيف شروحات و ما إلي ذلك بإذن الله الشرح هيكون واضح و سهل و شبه متكامل بحيث لن تحتاج ان تسال بعده أحد لا محمود و لا غيره توكلنا علي الله  II- مقدمة ( طبعا مهمة ) مش معقول يعني كل مقدمة هتكون فشنك نتكلم في الجزئية دي ــ و الموضوع هيكون جزئيات و كل ما تلاقي نفسك فاضي خد جزئية الكلام عن فكرة الموضوع العامة و ايه الفرق بينه و بين برامج الفرمته و الحلول الاخري أضرب مثال  تخيل لو إنك عندك ويندوز و حصل فيه قلق يعني لعب في الريجستري علي كام فيرس علي ملفات سيستم ناقصه علي كل اللي يجي علي بالك و الجهاز قارفك اخر قرف ايه الحل في الحاله دي ؟؟  طبعا واحد هيقولك سطب الكاسبر ــ اكيد من اللي بيحبوه ـــ يجيلك واحد من اللي بيكرهوه و يقولك نود و التالت افيرا و الرابع يقولك الهاي جاك اولا و هتقعد أخي الكريم ترقع في النسخه من هنا و من هنا و يا عالم ممكن الحلول تظبط و ممكن لا طيب ايه الاريح؟؟ انك تفرمت و تسطب ويندوز من جديد طالما هاردوير الجهاز سليم و عندك نسخه ويندوز نضيفه فرمت و اتكل و انسي كل المشاكل دي دا تقريبا الحال مع الفلاش الفلاشة بعد التشريح  بتكون عاملة كده كل فلاش عليه برنامج بيحدد ماركته و سعته و قابليه الكتابه و كل شئ خاص بالفلاش أيوه مظبوط اسمه firmwareو بيبقي موجود علي حاجه اسمها شيب control chip دا في المثال بتاعي يقابل الويندوز ـ رقم واحد في الصورة 1 و في جزء من الفلاش اسمه الروم او الذاكرة memory chip دا اللي انت بتخزن الملفات عليه و دا ممكن نسيمه في المثال بقيت الهارد و القلق اللي عليه ـ رقم 2 في الصورة كل الحلول السابقه بتلعب علي الذاكرة يعني مثلا انت عاوز تفرمت الفلاشه الامر تنفيذه بيتم علي الروم بس لازم الfirmware هو اللي ينفذ طيب امتي تنفع الحلول دي لو الفيرم وير كويس و المشكلة في الروم طيب ايه اللي يحصل لو الفيرم نفسه هو اللي باظ او ببيبوظ طبعا انسي مش هتعرف تطبق امر واحد علي الروم الفرق بين الحل ده و اخواته ان الحل ده ببساطه بيتعامل ابتداء مع الشيب هنفرمت الشيب—يعني هنشيل الويندوز—و بعد ما نزل شيب جديد نقوله فرمت و بس أتمني تكون الفكرة وصلت بالسلامة  و أنا أهم شئ عندي توصيل فكرة الموضوع لان العملية سهلة خالص و تطبيقها سهل جدا و كان ممكن مثلا بدل كل الكلام ده ــ اللي فات و اللي جاي ـ أقولك هات بيانات الفلاشة و انا اديك برنامج يفرمت و خلاص بس لا و ألف لا الحكمة بتقول " لا تعطيني سمكة و علمني الصيد " و ان شاء الله الكل لازم يتعلم الصيد بالاضافة الي اني لو كنت عملت كده كان الموضوع هيكون مخالف لانه ممنوع فتح موضوع تلقي الطلبات هههههههههه بعد فكرة الموضوع النظرية نشوف التطبيق العملي بس في كلمتين كده الاول و لا أقولك نخليها جزئية III-نصائح هامة جدا قبل تطبيق الموضوع  1-يجب التأكد من أن العيب بالفلاشة و ليس شئ آخر ـ يعني مثلا أحيانا الفلاشة بتكون محمية نتيجة فيرس غير اعدادات في الويندوز ريجستري فالحل هنا يكون بتصليح الويندوز أحيانا اخري بيكون العيب من المنفذ المستعمل او استعمال كابل تطويل ردئ فيجب التأكد من مثل هذه العوامل 2-إذا تأكدت أن العيب من الفلاشة ـ و كانت مثلا محمية ضد الكتابة  ـ هناك حلول أخري ـ و ماأكثرها هنا في المنتدي ـ يعني يفضل ان تجعل تجديد الفيرم وير آخر الحلول 3- (دا انت مصمم بقي علي طريقة الموضوع )إذا كانت الفلاشة في فترة الضمان أو الكفالة لا تجرب طريقة الموضوع لان مجرد تغيير الفيرم وير كافي باخراجها خارج الضمان بالإضافة ان طالما في الضمان يبقي نستبدلها و نريح نفسنا و الفلاشات لها ضمان كاي قطعة اخري بمعني لا تجعل البائع يوهمك ان الفلاشات تباع بلا ضمان سيبك منه و اشتري من غيره 4- إذا كانت الفلاشة من ماركة معروفة مثلا Imation أو A-data أو Transcend او غيرهم يفضل تبدا الحلول بالبرامج الرسمية التي توفرها مواقع هذه الشركات و لو الفلاشة حتي في فترة الضمان لا إشكال لانه برنامج رسمي و دي خطوة ناس كتيييييير بتهملها 5- ( ايه ده ؟ انت لسه معايا)بعد كده ممكن نلعب في الفيرم وير زي ما إحنا عاوزين و ضميرنا مستريح تماما نقطة اخري مهمة و هي إن معظم برامج الشيب بتطلب ويندوز اكس بي أي نعم أحيانا البرامج بتعمل علي ال 7 بدون مشاكل و احيانا لا تعمل فالشغل علشان يكون standard يكون علي اكس بي لا يوجد لديك سوي 7 يبقي تجرب البرنامج عليه انت و حظك واذا لم يكن يبقي تتصرف في اكس بي  نرجع بقي للتطبيق العملي ـ ركز معايا انت نسيت و لا ايه؟ IV - ال Chip Genius احنا قولنا قبل كده ان طريقة الموضوع ده بتعتمد علي ال firmware الموجود في ال control chip وطبعا عقلا مش معقول كل الفلاشات باختلاف ماركتها و موديلاتها ليها شيب واحد كل فلاشه ليها اللي يخصها و خلي بالك مش كل ماركة نظام شيباتها واحد كل فلاشه علي حده فالمطلوب دلوقتي نحدد نوع الشيب و رقمه عندنا كذا طريقة  1- حضرتك فاكر صورة الفلاشة المتشرحة فوق دي ؟ أفضل طريقة و بدون استعمال برامج هي فتح الفلاشة و قراءة الكنترول بالعين المجردة  طبعا مع انه حل ممتاز و هامش الخطأ به0 %  و لكن غير محبوب ـ مش عارف ليه  ــ فالخيار ده هيكون الثالث و الأخير معانا في معرفة الكنترول شيب بس انا بدات بيه لانه الادق و ركز معايا انا قولت اننا هنجعله الخيار الثالث ـ هنحتاج السطر ده بعدين 2- ثاني طريقة و أول خيار هي استعمال البرنامج العبقري ـ حسب اسمه و فعلا _Chip genius برنامج اكثر من ممتاز لمعرفة الكنترول شيب و حجمه صغير فقط 132 كيلو بايت تفضل رابط البرنامج مباشر علي جوجل   وصورة البرنامج الرئيسة بعد تشغيله   رقم 1 في الصورة - يقوم البرنامج أوتوماتيكيا بتحدد الفلاشة و كما في الصورة انتقل السطر المظلل الي الفلاش ذو الحرف j أحيانا عند توصيل قارئ كروت و فلاشة يخطي البرنامج و يعطي بيانات الريدر و ليس الفلاشة فتاكد دائما ان البرنامج محدد السطر الخاص بالفلاشة و يمكن معرفة ذلك بسهولة عن طريق حرف البارتشين أو حل آخر افصل الريدر من الجهاز دلوقتي أيضا أحيانا عند توصيل الفلاشة و الماوس مثلا او الفلاشة و اي شئ اخر علي هب او كابل مشترك حصلت مرة ان البرنامج دمج بيانات الاتنين في صورة كانت عجيبه و أفضل شئ طبعا الفلاشة تكون في منفذ البوردة مباشرة رقم 2 ـ برضه في الصورة ـ الجزء مطلوب في بيانات الفلاشة ـ هو ده ـكما نري سطرين أول سطر chip vendor :alcor دا اسم الشركة صاحبة الكنترول و دا الاسم اللي هنبدا بيه عملية تنزيل الفيرم وير من الموقع chip part-number دا رقم الكنترول و دا أهم سطر في البرنامج لان أول حرفين بيكونوا اختصار لاسم الشركة و الباقي رقم الكنترول يعني السطر ده يغنيك عن السطر السابق ـ إذا كنت تعلم الاختصارات ففي المثال هنا عرفنا ان الشيب من انتاج شركة alcor و رقم الشيب au6981-3 رقم 3- ( فين ؟؟ )حاجه اسمها ال بيد و ال فيد حاليا ملهاش اي لزمة  في حالتنا هذه و لا يعتمد عليها في معرفة الكنترول و لكن أحيانا بتنفعV - موقع  دلوقتي المطلوب هو موقع لتنزيل البرنامج المنشود أفضل المواقع من وجهة نظري هو الموقع الروسي وحتي لا يطول الموضوع كما حدث اول مرة من سنه ياااااااااااااه احنا بقالنا سنه دا السنه م... و لا بلاش الموضوع من سنه كان كده النسخة الأولي نرجع للموضوع ـ الاستطراد ده مشكلة  ـ حتي لا يطول الموضوع و نظرا لكثرة الصور فضلت إني أجعل كيفية التعامل مع الموقع في جزئية منفصلة خاااااااالص من هنا و نقفل الجزئية دي علي كده VI -البحث عن الكنترول بالبيد و الفيد  كما سبق برنامج الشيب الجنيس ممتاز لمعرفة الكنترول شيب و هو الخيار الأول و لكن أحيانا لا يستطيع البرنامج تحديد الكنترول كما في الصورة فما العمل إذن ؟؟؟ كما نري البرنامج قرا بيانات الفلاشة و لكن لم يحدد الكنترول هناك حل وسط بين الشيب جنيس و فتح الفلاشة و هو البحث عن الكترول بالبيد و الفيد وكما سبق هنجعل دي جزيئة منفصلة حبتين و الوصول ليها من هنا VII - شروحات لبعض برامج الشيب  و دا السبب الرئيسي إني قررت أعمل عَمرة ـ تجديد يعني ـ للموضوع وعقبال العُمرة مش معقول ان مجدد الموضوع علشان اقول انه عدت سنه و ياااااااه ـــ و لا بلاش طبعا الشروحات هتاخد شوية وقت فإن شاء الله الجزئية دي هتكون متجددة و سيتم إضافة اللينكات هنا تباعا VIII -خاتمة  1-شئ طبيعي يكون هناك خاتمة طالما في مقدمة 2- موضوع الفيرم وير ليس لمجرد فرمته الفلاشة إنما بيفتح المجال لخيارات اخري مثل وضع حماية علي الفلاشة أو تقسيم الفلاشة الي جزئين و غيره و إن شاء الله نستعرض الحكاية دي أثناء شروحات البرامج 3-أحيانا بعد فرمته الفلاشة بطريقة الموضوع نكتشف ان الفلاشة كانت مزورة و ان الحجم الفعلي للفلاشة أقل من المفروض !! إزاي  هذا موضوع آخر ممكن تتطلع عليه من هنا ((و إن شاء الله سيجدد أيضا )) واقراه دلوقتي و انت لسه علي البر بدل ما تقراه اجباري بعد كده  4- و في النهاية ما كان من صواب فهو فضل من الله و ما كان من خطأ فمن نفسي و من الشيطان تم بحمد الله تعالى ==============================
اقتباس:
ABOUCHEHAB و assim ben و MR.MILE و mazen23 و snnake2005 و Brahim_nb و AYHAM.J و تكريتي33 و Saltanaa و altaweel2 و ابواحمدالسوداني و ahmed_eno و pls4 و mofaker_love و (مـحـمـد) و AL ShAhEEn و k47 و صالح العولقي و Microsoftt و ofa2007 و sam mal و emadderna و كفاح الجريح و Beko - Scare و ggghh و king2095 و king2095 و alhoudja و OTAKA2009 و كولا كولا و ترباني و عاشق نوكيا
التعديل الأخير تم بواسطة الهترك ; 10-08-2010 الساعة 03:00 PM |
|||
|
|
18-04-2009, 05:52 PM
|
#2 | ||
|
نجم المنتدى
تاريخ التسجيل: Oct 2008
الدولة: بلـد الأحـرار
المشاركات: 25,807
|
بارك الله فييييييك وجزاك الله خيرا
موضوع رائع جدا تم التقييم 5/5 
|
||
|
|
|
18-04-2009, 07:01 PM
|
#4 | ||
|
نجم المنتدى
تاريخ التسجيل: Jan 2006
المشاركات: 30,328
|
شكرا على الموضوع الجميل و هو فتح جديد..
و ممكن تضع رابط المنتدى الصيني ما دام لا يتطلب التسجيل.. مع ملاحظة بجوار الرابط ان الموقع صيني و كل واحد مسئول عن نفسه .. مجهود متميز و شرح جميل .. و مثل هذه الموضوعات تنقل بعد فترة لقسم الشروحات إن شاء الله. و حسب تفاعل الأعضاء معها ممكن تتحول إلى كتاب اليكتروني و في كل الأحوال مجهودك 5/5 ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ هذه الاضافة بناء على اتصال من الاسطى الكبير ميكانيكي كومبيوتر و الذي أبدى إعجابه بالموضوع و بصاحب الموضوع وقال: إنه موضوع رائع من عضو أعطى مثالا للجهد و الاجتهاد و البحث المثمر.. و اضاف قيمة حقيقية للمنتدى و شهادة الاسطى تعني ترشيحا للترقية............. فمبروك مقدما
التعديل الأخير تم بواسطة الهترك ; 25-04-2009 الساعة 06:31 PM |
||
|
|
|
18-04-2009, 08:10 PM
|
#5 | ||||
|
عضو ماسي
تاريخ التسجيل: Jun 2006
المشاركات: 13,312
|
اقتباس:
و بخصوص رابط الموقع هو منتدي و بيتطلب تسجيل و الكلام ده انا قلته في الخلاصة البند الخامس الموجه للمشرفين شكلك كده قريت الموضوع علي السريع اقتباس:
 الأسطي الكبير شخصيا مش ممكن دا انا عديت يا جدعان انا قاعد مستنيه يشرفنا و كل يوم ارش ميه قدام الموضوع و اقول لنفسي علي الاقل ممكن يبعتلي بليه و انا اروح له و معلشي بقي العتب علي النظر ما خدتش بالي ان في تعديل في مشاركة مشرفنا الهترك الا دلوقتي غشيم بقي بس طول بالك معايا و انا يجي مني و بخصوص الترقيه كفايه اتصال الاسطي دي ترقية في حد ذاتها  
k47 معجب بهذا.
التعديل الأخير تم بواسطة mahmoud_abdou ; 28-04-2009 الساعة 11:56 AM |
||||
|
|
|
18-04-2009, 09:18 PM
|
#7 | ||
|
عضو ماسي
تاريخ التسجيل: Jun 2006
المشاركات: 13,312
|
أخي العزيز تفضل من هنا و حظك حلو لان طريقه عمل البرنامج سهله دا اول برنامج اشتغلت عليه و انت عارف الانطباعات الاولي تدوم انت هتسطبه عادي و ممكن يطلب منك انه يحمل درايفر اثناء التحميل برضه عادي بعد كده دي شاشه البرنامج الرئيسيه  و بعدين وصل الفلاشه دلوقتي لو رحت علي التعريفات مش هتلاقي الفلاشه ماتقلقشي و هتلاقي حاجه في اليو اس بي اسمه fabulk ما علينا دوس علي f1 هتجيلك صفحه حلوة قوي كلها اوبشن بس للاسف معنديش صورتها اتاكد اهم حاجه من البيد و الفيد و المساحه و دوس اوك هتخرج للصفحه الرئيسيه دوس مسطرة و بس و يا رب تنجح هيبقي منظرني وحش قوي لو الموضوع باظ من اوله و بعد كده انت فلاشتك لسه fabulk هتلاقي في قوائم البرنامج اللي فوق حاجه اسمها uninstall driver اعملها و شيل الفلاشه وووصلها تاني و عرفني النتيجه
التعديل الأخير تم بواسطة mahmoud_abdou ; 29-04-2009 الساعة 07:25 AM |
||
|
|
|
18-04-2009, 09:33 PM
|
#8 | ||
|
عضو فعال
تاريخ التسجيل: Jan 2005
الدولة: CPU
المشاركات: 882
|
(`'•.¸(` '•. ¸ * ¸.•'´)¸.•'´)
«السلام عليكم و رحمة الله تعالى و بركاته » «.¸. شكرا لك اخي عــلى الموضوع. ¸.» «´¨`.¸.* بارك الله فيك *. ¸.´¨`»
|
||
|
|
|
18-04-2009, 09:45 PM
|
#9 | |||
|
عضو ماسي
تاريخ التسجيل: Jun 2006
المشاركات: 13,312
|
اقتباس:
العفو اخي و جزاك الله خير
@eslam@ معجب بهذا.
|
|||
|
|
|
18-04-2009, 09:52 PM
|
#10 | |||
|
عضو
 تاريخ التسجيل: Jul 2006
المشاركات: 91
|
اقتباس:
10000000000/10000000000 تقيمي انا فقدت الامل والله كنت على وشك رميها في الزباله .... قلت يالله اخر محاوله معك انفتحت كما كانت وابشرك بالخير . الله يحفظك يا رب الى اهلك وذويك يااااااااااااااااااارب ربنا يحميك . وهذه صور لتاكيد على انها انفتحت حتى لا حد يقول موضوع فاضي .  
ana-xp و EGY HacKer معجبون بهذا.
التعديل الأخير تم بواسطة المتهاذي ; 18-04-2009 الساعة 10:04 PM |
|||
|
|
| مواقع النشر (المفضلة) |
| الكلمات الدلالية (Tags) |
| ميموري , مختصرة , منقحة , المشاغب , الفلاش , تصليح , نهائينسخه , كمال |
| أدوات الموضوع | |
|
|
|
|||||||||||||||||||||||||||
