المساعد الشخصي الرقمي

مشاهدة النسخة كاملة : لوجو من تصميمي ==> مطلوب رأيكم

spider_oxxo
16-11-2005, 12:17 PM
بسم الله الرحمن الرحيم
*---------------*
أخبرني أحمد إسماعيل الملقب بـ " أبي أكشـن المتعري " أن اللوجو لابد من أن يكون بسيطا في أفكاره
أبسط في ألوانه و تأثيراته
و لأنه معروف بالحكمة و التمكن و الخبرة في مجال التصميم الحلزوني
أخذت و عملت برأيه
و قد كان ما كان
و لا ينفع الندم علي ما كان
فقررت أن أقدم لكم ما عملته طلبا للرأي و المشورة
و روي في الأمثال أنه
" ما خاب من استشار "
فشاهدوا عملي و احكموا علي صنعي
إن كان رأيك أن التصميم جميل فأكتب ردا بذلك
و إن كان رأيك غير ذلك ، فوفر علي نفسك و علينا ما قد يحدث من وراء رد كذلك
لقد أطلت عليكم فهلموا بنا إلي ما صنعت

http://www.crazydoctors.gwgaming.net/MediLogo.gif

و ها قد رأيتم ما صنعت فلا تبخلوا علي برأيكم
----------------------------------
و من الاخر يعني كده مش عايز إلا ردود تشكر في الشكل و إلا ..............
و قد أعذر من أنذر
Aboahmad1974
16-11-2005, 12:51 PM
للأشف أخي الحبيب ... الصورة مش ظاهرة :(
spider_oxxo
16-11-2005, 01:09 PM
و ادي الصورة علي موقع تاني علشان الغالي " أبو أحمد "

http://www.geocities.com/walidmustafa_00/MediLogo.gif
Aboahmad1974
16-11-2005, 01:14 PM
أيو ة كده
مشكور حبيبي

عجبتني كلمة سنتر دي

مقتبسة !!!
spider_oxxo
16-11-2005, 01:24 PM
قصدك مقتبسة من إيه أخي " أبو أحمد " ؟!!
لوقصدك من أكشن تبقي الإجابة لأ
ده إحنا اللي اخترعنا السناتر بس مش بتاعة الشركات
لأ السنتر هنا حسب تفسير طلبه الكليات و المعاهد في مصر هو المكان الذي يأخذون فيه الكورسات اللي هي بالعربي كده الدروس الخصوصية بس بتاعت الكليات
واضح ؟!!
girl moon
16-11-2005, 01:26 PM
رائع جدا .. ^_^


بالتوفيق ^^
spider_oxxo
16-11-2005, 02:38 PM
مشكورة Girl Moon علي المرور و الرد الجميل
Character Ω
16-11-2005, 02:58 PM
غريب جدا امر اعضاء المنتدى

هل تعرف صديقى ماهو النقد الهدّام !!! ؟؟ فكما طلبت هنا بغرابة ؟؟؟ !!


" ما خاب من استشار "
فشاهدوا عملي و احكموا علي صنعي
إن كان رأيك أن التصميم جميل فأكتب ردا بذلك
و إن كان رأيك غير ذلك ، فوفر علي نفسك و علينا ما قد يحدث من وراء رد كذلك
لقد أطلت عليكم فهلموا بنا إلي ما صنعت

تنــاقض فظيع ( سبحان الله ) ... بس حلوة حكايه استشار دى !

و من الاخر يعني كده مش عايز إلا ردود تشكر في الشكل و إلا ..............
و قد أعذر من أنذر

تحت امرك ... واليك هذا الرد النموذجى من نوعيه الردود الهدامــة

ايه الجمال والحلاوة والعظمة الابتكار والابداع والتفنن دا كله ....

لا لا لا لا انت خطير فى تصميم الشعارات واللوجوهات استمر على هذا المستوى

رااااااااااااااااااااااااااااااااااااااااااائع .. شكرا لك ثم شكرا لك + شكرا + شكرا ليك جدا جدا جدا ......... صراحه الشكر لا يكفيك انت تستهال اكثر من ذلك لروعه التصميم الجبــار انت تستاهل بوسه !!!!!!!!


ايه رأيك ...

سلام
D_ACTION_C
16-11-2005, 03:05 PM
لأ لأ لأ ......... أخى كاركتر .......... الموضوع مش كده خالص .............

شوف يا اخى .......... الموضوع ببساطة أن الدكتور محمد أول مرة يعمل لوجو خاص بيه بشكل احترافى و هو يعنى زى المكسوف اللى عايز تشجيع بالنسبة للوجو الخاص به و كمان هو تعب فيه كتير و مش عايز نقد ليه .......... عشان ما يحبطش

و فى نفس الوقت هو عايز نقد بس يكون حنين عليه .......... !!!!!!!!!!

بصراحة انا كمان اتلخبطت زيك .......... و مش عارف انقد و لا اشكر ........... حاجة تلخبط بصراحة يا دكتوووووووووور

ياريت تنورنا ........ انت عايز ايه بالزبط ..........
Aboahmad1974
16-11-2005, 03:08 PM
قصدك مقتبسة من إيه أخي " أبو أحمد " ؟!!
لوقصدك من أكشن تبقي الإجابة لأ
ده إحنا اللي اخترعنا السناتر بس مش بتاعة الشركات
لأ السنتر هنا حسب تفسير طلبه الكليات و المعاهد في مصر هو المكان الذي يأخذون فيه الكورسات اللي هي بالعربي كده الدروس الخصوصية بس بتاعت الكليات
واضح ؟!!

أبو السناتر

أوعى تكون زعلت ها .... بمزح معك :)
os6orah
16-11-2005, 08:07 PM
جميل دكتور محمد ولوقو قوي للغاية ...

الأخ .. كاراكتر ... كلامك سليم حول أنه يجب على أي شخص طلب ( النقد ) وليس طلب ( الشكر والثناء ) فكلنا هنا لنرتقي للأفضل ...
ولكن أخي الغالي كلماتك قاسية شوي ... وأنت لو تعرف الآخ محمد أكثر راح تدري عن روحه الفكاهية والجميلة للغاية ... وهو هنا أظنه يريد وضع بعض الفكاهة وبعض البسمة على شفاه الأخوة الأعضاء من خلال كلامه وتعليقاته ...

اتمنى للجميع التوفيق
الجــوكر
16-11-2005, 08:15 PM
جميل
لكن هل هو قابل للتكبير
muneer33
16-11-2005, 08:22 PM
رائع للامام يااخي
nabeel87
16-11-2005, 09:55 PM
السلام عليكم

تصميم جميل اخي سبايدر ولكن جرب ان تُصغره واحكم عليه بنفسك ;)

مع تحياتي
spider_oxxo
16-11-2005, 10:01 PM
غريب جدا امر اعضاء المنتدى

هل تعرف صديقى ماهو النقد الهدّام !!! ؟؟ فكما طلبت هنا بغرابة ؟؟؟ !!




تنــاقض فظيع ( سبحان الله ) ... بس حلوة حكايه استشار دى !



تحت امرك ... واليك هذا الرد النموذجى من نوعيه الردود الهدامــة

ايه الجمال والحلاوة والعظمة الابتكار والابداع والتفنن دا كله ....

لا لا لا لا انت خطير فى تصميم الشعارات واللوجوهات استمر على هذا المستوى

رااااااااااااااااااااااااااااااااااااااااااائع .. شكرا لك ثم شكرا لك + شكرا + شكرا ليك جدا جدا جدا ......... صراحه الشكر لا يكفيك انت تستهال اكثر من ذلك لروعه التصميم الجبــار انت تستاهل بوسه !!!!!!!!


ايه رأيك ...

سلام
أخي الغالي
يبدو أنك لا تعرفني جيدا و لا تعرف أسلوبي
فأنا أحب الضحك و المزاح مع أصدقائي
و بما أن كل أعضاء المنتدي و الحمد لله أصدقائي و إخواني فأحببت أن أضع موضوعي بشكل ساخر
فأنا أقبل النقد مهما كان لأنه سيدفعني حتما إلي التقدم
و لو ظننت أنني لا أقبل النقد لأنني كتبت ذلك فأنت لا تعرفني جيدا كما قلت
إبحث عن كافة موضوعاتي و شاهد أسلوبي
أسلوب ساخر و لكن في حدود الأدب
يعني الواحد أخد إيه من الجد غير الضغط و السكر و الذي منه
سلام بقي علشان أنا مليت من كتر الكتابة
spider_oxxo
16-11-2005, 10:05 PM
/ؤلأ لأ لأ ......... أخى كاركتر .......... الموضوع مش كده خالص .............

شوف يا اخى .......... الموضوع ببساطة أن الدكتور محمد أول مرة يعمل لوجو خاص بيه بشكل احترافى و هو يعنى زى المكسوف اللى عايز تشجيع بالنسبة للوجو الخاص به و كمان هو تعب فيه كتير و مش عايز نقد ليه .......... عشان ما يحبطش

و فى نفس الوقت هو عايز نقد بس يكون حنين عليه .......... !!!!!!!!!!

بصراحة انا كمان اتلخبطت زيك .......... و مش عارف انقد و لا اشكر ........... حاجة تلخبط بصراحة يا دكتوووووووووور

ياريت تنورنا ........ انت عايز ايه بالزبط ..........
يوووووووووووووه
ده أنت خايب قوي
ده أنت بتثبت كده للناس إن أنت ما تعرفنيش
إش حال ما كانش بينا عيش و شاورمه يا راجل
أنت مش عارف إن أنا بأموت في الهزار
و لا نسيت
و علي رأي المثل " إن كنتم نسيتوا اللي جرا ، هاتوا موضوع الكاريكاتير ينقري "
و لا نسيت الكاريكاتير بتاعك ؟!!!!!!!!!!!
و ثانيا أنت بالذات لازم تكتب شكر و تشكر جامد جدا جدا كمان
و لا تحب أسيح !!!!!!!!!!!!!!
spider_oxxo
16-11-2005, 10:07 PM
أبو السناتر

أوعى تكون زعلت ها .... بمزح معك :)
أنا عمري ما أزعل من أخويا الكبير أبو أحمد
مش أنت مش أخويا الكبير و لا إيه ؟!!
spider_oxxo
16-11-2005, 10:09 PM
جميل دكتور محمد ولوقو قوي للغاية ...

الأخ .. كاراكتر ... كلامك سليم حول أنه يجب على أي شخص طلب ( النقد ) وليس طلب ( الشكر والثناء ) فكلنا هنا لنرتقي للأفضل ...
ولكن أخي الغالي كلماتك قاسية شوي ... وأنت لو تعرف الآخ محمد أكثر راح تدري عن روحه الفكاهية والجميلة للغاية ... وهو هنا أظنه يريد وضع بعض الفكاهة وبعض البسمة على شفاه الأخوة الأعضاء من خلال كلامه وتعليقاته ...

اتمنى للجميع التوفيق
سيبك منهم
و الله أنت اللي فيهم و الباقي خيار
انت اللي فاهمني يا حاج أسطورة
مشكور يا عم علي الدفاع عني
و علي فكرة أنا شفت مذكرة تاريخ إسمها الأسطورة ==> يا تري دي من العيلة و لا إيه ؟!!
:D :D :D
spider_oxxo
16-11-2005, 10:14 PM
أخي " الجــوكر " يعني إيه قابل للتكبير ؟!!
قصدك ممكن يتكبر زي ما هو كده ؟!!
ما أظنش و الله
بس ممكن أعمل منه نسخة أطول عادي يعني
-------------------------------------------------------------
أخي " muneer33 " مشكور علي الرد الجميل
------------------------------------------------------------
أخي " nabeel87 " يعني لو ضغرته حيحصل إيه يعني ؟!!
و لا حاجة .. يعني مش كفاية إني عامل اللوجو ببلاش و كمان حأصغره
و ثانيا أنا طول السنة السودة يعني لازم كل اللي أعمله يبقي طويل و إلا سأفقد مصداقيتي
و لا إنت رأيك إيه ؟!!
* ملحوظة: الأخ " أحمد " الملقب بـ " أكشـن " أول ما قابلني في مصر اتخض من طولي و اسأله و هو يوصفلك أنا طول إيه
nabeel87
17-11-2005, 12:02 AM
أخي " nabeel87 " يعني لو ضغرته حيحصل إيه يعني ؟!!
و لا حاجة .. يعني مش كفاية إني عامل اللوجو ببلاش و كمان حأصغره
و ثانيا أنا طول السنة السودة يعني لازم كل اللي أعمله يبقي طويل و إلا سأفقد مصداقيتي
و لا إنت رأيك إيه ؟!!
* ملحوظة: الأخ " أحمد " الملقب بـ " أكشـن " أول ما قابلني في مصر اتخض من طولي و اسأله و هو يوصفلك أنا طول إيه
يظهر انك متأثر كثير بأخي اكشن :)

بالنسبة للتصغير
فمن ميزات اللوغو الناجح هو مرونته في التصغير والتكبير بحيث يكون واضح في كل القياسات
فاللوغو الي عامله انت
لو اتصغر اغلب الكلمات راح اتصير غير مقروءة :rolleyes:


مع تحياتي
spider_oxxo
17-11-2005, 12:14 AM
يظهر انك متأثر كثير بأخي اكشن :)

بالنسبة للتصغير
فمن ميزات اللوغو الناجح هو مرونته في التصغير والتكبير بحيث يكون واضح في كل القياسات
فاللوغو الي عامله انت
لو اتصغر اغلب الكلمات راح اتصير غير مقروءة :rolleyes:


مع تحياتي
أولا بالنسبة لتأثري بأكشن فهو بمثابة أخي الكبير بدون مبالغة و أحبه في الله حبا كبيرا فهو الأخ الأكبر الذي لم أحظ به من أبي و أمي حيث إنني أكبر إخوتي
و بالنسبة لتصغير اللوجو اللي حيكون واضح جدا هو حرف A و أظن ده كفاية للدلالة علي المركز صاحب اللوجو
و أيضا قصدت عمل حرف A هو الكبير لأنك تعلم أن حرف A عند الغرب علامة التميز فيقولون لقد حصل الطالب علي A degree علامة علي تفوقه
nabeel87
17-11-2005, 12:49 AM
أولا بالنسبة لتأثري بأكشن فهو بمثابة أخي الكبير بدون مبالغة و أحبه في الله حبا كبيرا فهو الأخ الأكبر الذي لم أحظ به من أبي و أمي حيث إنني أكبر إخوتي
و بالنسبة لتصغير اللوجو اللي حيكون واضح جدا هو حرف A و أظن ده كفاية للدلالة علي المركز صاحب اللوجو
و أيضا قصدت عمل حرف A هو الكبير لأنك تعلم أن حرف A عند الغرب علامة التميز فيقولون لقد حصل الطالب علي A degree علامة علي تفوقه
ارى اننا قد دخلنا في مجالات اخرى
حيث اصبحنا في الدرجات التي يعطونها الغرب
على كلاً هي كانت مجرد ملاحظة احبت ان افيدك بها :)


مع تحياتي
F.B.I
17-11-2005, 02:04 AM
http://absba4.absba.org/teamwork6/FBI/bestorange.gif

أحلى ورد لأحلى تصميم ... من الدكتور محمد

التصميم فكرته حلوة ومميز

يلا أه كلام حلو مثل العسل لأصحاب التصميم وبس :D

ونتمنى أن نرى لك المزيد من التصاميم والإبداع

http://absba4.absba.org/teamwork6/FBI/bestorange.gif
D_ACTION_C
17-11-2005, 04:59 AM
* ملحوظة: الأخ " أحمد " الملقب بـ " أكشـن " أول ما قابلني في مصر اتخض من طولي و اسأله و هو يوصفلك أنا طول إيه

بصراحة ............... فعلا اتخضيت ( يعنى خفت ) لما شفته .......... من وسط الناس الكثيرة فى يوم العيد ...... رأيت الدكتور محمد ......... ماشاء الله ........ فوق الـ 195 سم .......... بالرغم من أن عمرى اكبر من عمره بحوالى عشرة سنوات إلا اننى وانا اسير بجواره يحسبنى الناس اخوه الصغير ......... صحيح الطول هيبة ......... على فكرة انا مش قصير ...... أنا حوالى 178 سم .....

المهم خلينا فى الموضوع الاساسى .......... وهو هذا اللوجو ........

* تكلمنا فى أن البساطة عنصر اساسى للوجو ......... لكن ليس هذه البساطة الغريبة بعض الشئ

* حرف A عملاق جدا لا يتناسب مع اللوجو ........... و عناصره النصية المتداخلة فيه ....... يعنى الحرف الكبير طغى على باقى النصوص الاخرى .........

* يحبذ فى تصميم اللوجو أن يكون مستطيل الشكل أفقياً و ليس رأسياً حتى يتسنى لنا وضعه فى معظم المنشورات واللافتات الخاصة بالشركة أو المؤسسة ......... و هذا اللوجو الذى نحن بصدده طويل زيادة عن اللازم و سبب الطول هو حرف الـ A

* وضعية حرف الـ A لم تكن مفهومة هل هو للكلمة العليا Mediام السفلىAcademy ......... فخلق جواً من التوهان فى اللوجو و هو شئ لا يحسب للوجو الذى نريد أن يكون بسيطا و مركزا للفكرة الاعلانية الخاصة بالمؤسسة

* الحرف الكبير فى أى لوجو لابد أن يكون للكلمة الاساسية المعرفة للمؤسسة أو الشركة و هو هنا كان لابد ان يكون حرف الـ M

* الشرشرة الموجودة فى حواف اللوجو ....... غير مناسبة بالمرة لهذا اللوجو اوأى لوجو آخر ......... تخيل نفسه سوف تصنع لافتة بالحروف المعدنية الضخمة على واجهة مبنى هذه المؤسسة أو الشركة فكيف سيتم صنعها بهذه الشرشرة و تخيل نفسك تضع اللوجو على كارت شخصى ........ لن تكون هذه الشرشرة واضحة فى الكارت و بذلك سيكون اللوجو مختلفا فى شتى عناصر استخدامه فى الشركة ......... سواء اللافتات أو المطبوعات الورقية


===== أظن ده درس كامل فى تصميم اللوجو =========

فى النهاية بعد كل هذا النقد ......... هههههههههههه .......... يبقى أن نقول أن هذا اللوجو هو تصميم جيد و مبدع بالنسبة لأول تصميم للوجو ......... لكن نريد أن نرى إبداع أقوى فى التركيز و شكرا لك اخى الكريم محمد و بارك الله فيك
spider_oxxo
17-11-2005, 09:55 AM
ارى اننا قد دخلنا في مجالات اخرى
حيث اصبحنا في الدرجات التي يعطونها الغرب
على كلاً هي كانت مجرد ملاحظة احبت ان افيدك بها :)


مع تحياتي
أخي الغالي أنا لم أقصد التأثر بالغرب و لكن بحكم دراستي التي هي باللغة الانجليزية البحتة و لا مجال فيها للعربية و معظم علاقاتنا ستكون مع الغرب من حيث أن كليتنا مركز لكثير من المؤتمرات الهامة التي يحضرها أطباء من جميع أنحاء مصر و الوطن العربي و العالم كله فكان لابد من أن يكون اللوجو معبرا و يعرف الجميع مقصده
و بحكم دراسة الأطباء هنا في مصر فهم يعلمون معناه جيدا
كما أن اللوجو ليس عاما لكل الناس و لكن لفئة متخصصة و هم طلبة كليات الطب و الأطباء فبالتالي فهم يعرفون المعني جيدا
-----------------------------
==> أخي الغالي ملاحظاتك دائما تفيدني في تصميماتي و مادام النقد يدفع للتقدم و للأفضل فأنا أرحب به
و لا أحب النقد لمجرد النقد
و انت هنا تريد مصلحتي فلما لا أتقيد بما تنصحني به
تقبل خالص تحياتي أخي الغالي
:D :D :D
spider_oxxo
17-11-2005, 09:58 AM
http://absba4.absba.org/teamwork6/FBI/bestorange.gif


أحلى ورد لأحلى تصميم ... من الدكتور محمد

التصميم فكرته حلوة ومميز

يلا أه كلام حلو مثل العسل لأصحاب التصميم وبس :D

ونتمنى أن نرى لك المزيد من التصاميم والإبداع

http://absba4.absba.org/teamwork6/FBI/bestorange.gif


الورد لصاحب أحلي ورد و فل و ياسمين في المنتدي كله
لك أنت و بس
أنت فل و الباقي قرنبيط
أشكرك جدا جدا جدا جدا جدا جدا علي الإنصاف
و الحمد لله إن كما دخلتش معاهم في الإتفاق عليا
أصلي شفتهم بيتفقوا يقولوا إن شغلي وحش علشان أنا كنت ناوي أفتح شركة و أقطع عليهم في السوق
بس ملحوقة
سلام يا أحلي نحلة في المنتدي ==> مش انت اللي بتقول عسل
:D :D :D :D
PrinceOfPersia
17-11-2005, 10:01 AM
بارك الله فيك أخي spider_oxxo
دائماً البداية صعبة ومملة :)

إن شاء الله نجد لك في المستقبل القريب تصاميم تاخذ وصف الإبداع والتفوق

بالتوفيق
spider_oxxo
17-11-2005, 10:11 AM
بصراحة ............... فعلا اتخضيت ( يعنى خفت ) لما شفته .......... من وسط الناس الكثيرة فى يوم العيد ...... رأيت الدكتور محمد ......... ماشاء الله ........ فوق الـ 195 سم .......... بالرغم من أن عمرى اكبر من عمره بحوالى عشرة سنوات إلا اننى وانا اسير بجواره يحسبنى الناس اخوه الصغير ......... صحيح الطول هيبة ......... على فكرة انا مش قصير ...... أنا حوالى 178 سم .....


المهم خلينا فى الموضوع الاساسى .......... وهو هذا اللوجو ........

* تكلمنا فى أن البساطة عنصر اساسى للوجو ......... لكن ليس هذه البساطة الغريبة بعض الشئ

* حرف A عملاق جدا لا يتناسب مع اللوجو ........... و عناصره النصية المتداخلة فيه ....... يعنى الحرف الكبير طغى على باقى النصوص الاخرى .........

* يحبذ فى تصميم اللوجو أن يكون مستطيل الشكل أفقياً و ليس رأسياً حتى يتسنى لنا وضعه فى معظم المنشورات واللافتات الخاصة بالشركة أو المؤسسة ......... و هذا اللوجو الذى نحن بصدده طويل زيادة عن اللازم و سبب الطول هو حرف الـ A

* وضعية حرف الـ A لم تكن مفهومة هل هو للكلمة العليا Mediام السفلىAcademy ......... فخلق جواً من التوهان فى اللوجو و هو شئ لا يحسب للوجو الذى نريد أن يكون بسيطا و مركزا للفكرة الاعلانية الخاصة بالمؤسسة

* الحرف الكبير فى أى لوجو لابد أن يكون للكلمة الاساسية المعرفة للمؤسسة أو الشركة و هو هنا كان لابد ان يكون حرف الـ M

* الشرشرة الموجودة فى حواف اللوجو ....... غير مناسبة بالمرة لهذا اللوجو اوأى لوجو آخر ......... تخيل نفسه سوف تصنع لافتة بالحروف المعدنية الضخمة على واجهة مبنى هذه المؤسسة أو الشركة فكيف سيتم صنعها بهذه الشرشرة و تخيل نفسك تضع اللوجو على كارت شخصى ........ لن تكون هذه الشرشرة واضحة فى الكارت و بذلك سيكون اللوجو مختلفا فى شتى عناصر استخدامه فى الشركة ......... سواء اللافتات أو المطبوعات الورقية


===== أظن ده درس كامل فى تصميم اللوجو =========

فى النهاية بعد كل هذا النقد ......... هههههههههههه .......... يبقى أن نقول أن هذا اللوجو هو تصميم جيد و مبدع بالنسبة لأول تصميم للوجو ......... لكن نريد أن نرى إبداع أقوى فى التركيز و شكرا لك اخى الكريم محمد و بارك الله فيك




أنت اللي جبته لنفسك يا إبن الحلال
بقي أنا عمال أقول أكشن يبقي أخويا الكبير الطويل و أنت جاي تسيحلي هنا
طب استحمل بقي اللي حيجري ده
أولا انت لما شفتني أنا كنت قاعد علي الكوبري مستنيك يعني ما كنتش واقف
و أنا كنت واقف علي منطقة مرتفعة عن الأرض اللي انت كنت عليها في حدود ما لا يقل عن 10 سم
ثانيا أنا طولي 193 سم بس حسب مقياسات وزارة المساحة المصرية
ثالثا و انت ماشي جانبي الناس حسبتني أبوك مش أخوك الكبير :p:p:p:p
رابعا و خلينا في الموضوع أنا عامل اللوجو ده لدكتور عندنا و أساسا حأحطه علي موقع الإنترنت اللي أنا بأصممه " يعني أنا مصمم مواقع كمان " و ممكن يتحط علي كارت و قلت ممكن يعني مش أكيد يبقي إزاي حأحطه علي لافتة بالحروف المعدنية الضخمة على واجهة مبنى هذه المؤسسة أو الشركة إذا كانت المؤسسة اللي انت بتقول عليها دي عبارة عن دور واحد في مبني متأجر علشان الكورسات يعني مش شركة بحق ربنا
ده مجرد اسم للسنتر اللي إحنا فيه
و الهدف من الموقع هو إننا نحط عليه إمتحانات و مراجعات و شروح معظم مواد كلية الطب لمساعدة الطلبة علي التفوق " ربنا يسهل و أعرف أنا اللي أتفوق الأول "
----------------------------------
و ده أول لوجو أعمله ألاقي كل ده
لييييييييييييييييييييييييييييييييه
اااااااااااااااه أنا فهمت دلوقت
ده اللي أنا بأعاني منه ديما في حياتي
و هو
==> حقد القصيرين ضد الطوال <==
يعني هو علشان أنا طويل تقوموا تحبطوني
ماشي يا بشر
استنوا لما تنزلوا أي حاجة في المنتدي و شوفوا اللي حأعمله فيكم
و أظن أنت يا عم أكشن عارف أنا ممكن أعمل إيه
;) ;) ;) ;) ;)
spider_oxxo
17-11-2005, 10:13 AM
مشكور أخي الغالي " PrinceOfPersia " علي الرد الجميل و علي إنصافي في وسط غابة المتوحشين اللي في المنتدي
المهندس جرادات
17-11-2005, 12:30 PM
thx
spider_oxxo
18-11-2005, 01:09 AM
مشكور أخي " المهندس جرادات " علي الرد
PrinceOfLibya
18-11-2005, 02:17 AM
للأسف أخي الحبيب ... الصورة مش ظاهرة :(
PrinceOfLibya
18-11-2005, 02:22 AM
بارك الله فيك أخي spider_oxxo
دائماً البداية صعبة ومملة :)

إن شاء الله نجد لك في المستقبل القريب تصاميم تاخذ وصف الإبداع والتفوق

بالتوفيق
والصورة ظهرت الان ... :D
spider_oxxo
18-11-2005, 11:19 PM
مشكور أخي " الجزيرة نت™ " علي الرد
zammour
19-11-2005, 08:28 AM
لدى ملاحظة في هذا اللوغو علما بان من اجاب قبلي من الاعضاء هم على علم بالتصميم اكثر مني (مشكورين)

- كما قال اخي action انه طويل ولكن اذا اردت ان يبقى على طوله فمن المستحسن استعمال font اخر غير الذي استعملته
- قد يتم استكمال الشكل لكي يكون متناسقا مع الطول ان تكون كلمة center بشكل arc سفلي عكس ال arc الاعلى الخاص بحرف الa

بصراحة مطلقة اللوغو ينقصه الروح الفنية (مع اعتذاري ان كانت صراحتي جارحة) ولكن في نظري حين تسأل عن رأي الاعضاء اذن انت تود الوصول الى الافضل .."ومن سار على الدرب وصل"

بالتوفيق باذن الله
spider_oxxo
19-11-2005, 10:19 PM
لدى ملاحظة في هذا اللوغو علما بان من اجاب قبلي من الاعضاء هم على علم بالتصميم اكثر مني (مشكورين)

- كما قال اخي action انه طويل ولكن اذا اردت ان يبقى على طوله فمن المستحسن استعمال font اخر غير الذي استعملته
- قد يتم استكمال الشكل لكي يكون متناسقا مع الطول ان تكون كلمة center بشكل arc سفلي عكس ال arc الاعلى الخاص بحرف الa

بصراحة مطلقة اللوغو ينقصه الروح الفنية (مع اعتذاري ان كانت صراحتي جارحة) ولكن في نظري حين تسأل عن رأي الاعضاء اذن انت تود الوصول الى الافضل .."ومن سار على الدرب وصل"

بالتوفيق باذن الله
أخي العزيز ملاحظاتك مهمة بالنسبة لي
و جيدة جدا جدا جدا
و بالنسبة لموضوع الصراحة فهذا هو المطلوب فأنا لا أحب المجاملة التي لا تسبب إلا الضرر للإنسان
أشكرك علي صراحتك
و انتظر القادم و سيكون أجمل بإذن الله
:D :D :D
os6orah
19-11-2005, 10:47 PM
تعال .. تعال .. انت بتجيب الكلام ده منين ؟!!! ايووووه اقصدك انت يا سبايدر :eek:
تاني حاقه عن جد انت طويل والا هزار :p .. عندنا بنقول " الطول عز " ... لكن عندكو ما بعرفش ... ! :D

طيب حقه اخيره بس .. ممكن تسوي دروس في القاء الردود ... ! يمكن نفتح قسم جديد ونحطتك مشرف عليه بمرتبة "مخالف كبير " :D

تشكرات يا اسطه محمد ... :D
spider_oxxo
19-11-2005, 11:35 PM
تعال .. تعال .. انت بتجيب الكلام ده منين ؟!!! ايووووه اقصدك انت يا سبايدر :eek:
تاني حاقه عن جد انت طويل والا هزار :p .. عندنا بنقول " الطول عز " ... لكن عندكو ما بعرفش ... ! :D

طيب حقه اخيره بس .. ممكن تسوي دروس في القاء الردود ... ! يمكن نفتح قسم جديد ونحطتك مشرف عليه بمرتبة "مخالف كبير " :D

تشكرات يا اسطه محمد ... :D
الكلام أنا بأجيبه من دلتا سبايدر مول ... و ده من أشهر الأماكن في الدولة السبايدرية
و عندنا في مصر بنقول " الطـــــــــــول هيبـــــــــــــة "
و بالنسبة لحكاية القسم الجديد و الله أفكر لإن فيه منتديات كتيرة عرضت عليا نفس العرض و حأختار الأفضل
مشكور يا معلم أبو شفة الشهير بأسطورة
:p :p :p :p
zagh
17-01-2006, 06:52 PM
تصميم بدائى جدا
spider_oxxo
18-01-2006, 03:33 AM
تصميم بدائى جدا
مشكور علي رأيك
بارك الله فيك
في حفظ الله
flashboy
21-01-2006, 03:43 PM
وددت لو قدرنا أعمال كتاب العرب القدامى بصورة غير هذه
spider_oxxo
22-01-2006, 03:42 AM
وددت لو قدرنا أعمال كتاب العرب القدامى بصورة غير هذه
فين كتاب العرب القدامي اللي إنت بتتكلم عليهم دول ؟؟؟؟